Epaper
రాజమౌళి తీస్తోన్న మెగా మల్టీస్టారర్‌లో కీర్తి సురేష్‌కి ఒక హీరోయిన్‌గా ఛాన్స్‌ వుందని మీడియాలో బాగా ప్రచారమయింది. ఆమెకి దక్షిణాది రాష్ట్రాల్లో వున్న పాపులారిటీ వల్ల రాజమౌళి కూడా తన పేరుని కన్సిడర్‌ చేసాడు. అయితే దక్షిణాది హీరోయిన్ల కంటే ఉత్తరాది హీరోయిన్లు వుంటే ఎక్కువ రీచ్‌ వుంటుందని ఆమెని సంప్రదించలేదు. రాజమౌళి చిత్రం కోసమని కొద్ది రోజులు వేరే చిత్రాలకి కమిట్‌ అవకుండా ఎదురు చూసిన కీర్తి సురేష్‌ ఫైనల్‌గా 'ఆర్‌.ఆర్‌.ఆర్‌'పై ఆశలు వదిలేసుకుంది.
తెలుగు చిత్ర సీమ నుంచి భారీ ఆఫర్లు ఏమీ రాకపోవడంతో తమిళ చిత్రాలపైనే దృష్టి పెట్టింది. రజనీకాంత్‌తో మురుగదాస్‌ చేయనున్న చిత్రంలో ఒక కథానాయికగా నటించేందుకు అంగీకరించింది. ఇందులో నయనతార కూడా ఒక పాత్ర చేస్తోండగా, కీర్తి సురేష్‌ మొదటిసారి రజనీకాంత్‌ సరసన కనిపించనుంది. మహానటి తర్వాత తెలుగులో సూపర్‌ బిజీ అవుతుందని భావించారు కానీ ఆమెకి మళ్లీ అలాంటి చిత్రాలు దొరకలేదు.
తమిళంలో 'మహానటి' తరహాలో ఇమేజ్‌ తెచ్చిన సినిమాలేవీ లేకపోవడంతో రెగ్యులర్‌ అల్లరి పిల్ల పాత్రలు చేసుకుంటూ అక్కడ టాప్‌ హీరోయిన్‌గా కొనసాగుతోంది. తెలుగులో స్టార్‌ హీరోల చిత్రాల్లో కీర్తి సురేష్‌ పేరు అసలు పరిశీలనకి రాకపోవడం గమనార్హం.