రాజమౌళి టెన్షన్ టెన్షన్

బాహుబలి ప్రాజెక్టును గడచిన రెండేళ్లుగా స్మూత్ గా హ్యాండిల్ చేసుకుంటూ వస్తున్నాడు దర్శకుడు రాజమౌళి. భారీ బడ్జెట్, అయినా ఎక్కడా ఏ వార్త కూడా బయటకు రాకుండా చూసుకున్నాడు. చాలా సైలెంట్ గా హక్కుల అమ్మకం, ప్రచారం, హిందీ వెర్షన్ అప్పగింత అన్నీ చేసాడు. కూల్ గా డేట్ ప్రకటించాడు. అంతే కూల్ గా వాయిదా వేయలేని పరిస్థితి అని కూడా చెప్పాడు. 

కానీ ఇప్పుడు అలాంటి రాజమౌళి గరమ్ గరమ్ గా వున్నాడని టాక్. సాధారణంగా చిరునవ్వు చెరగనివ్వని రాజమౌళి ఇప్పుడు చాలా సీరియస్ గా వుంటున్నాడని తెలుస్తోంది. దీనికి కారణం, అనుకున్నట్లు బాహుబలి సి జి వర్క్ లు, పూర్తి కాకపోవడమే కాదట..అనుకున్న రేంజ్ లో రాకపోవడం కూడా అని తెలుస్తోంది. 

ఇప్పటి వరకు జరిగిన సి జి వర్క్ లు రాజమౌళికి అంత సంతృప్తి కలిగించలేదని కూడా తెలుస్తోంది. దీంతో ఆయన సంబంధిత జనాలపై ఫైర్ అయ్యారని, మళ్లీ మార్పులు చేర్పులతో చకచకా పని జరిపించడంలో సీరియస్ గా వున్నారని తెలుస్తోంది.