రామ్ చరణ్ ఫ్యాన్స్ కి గుడ్ న్యూస్

రామ్ చరణ్ ఫ్యాన్స్ కోసం ఓ అప్ డేట్. రంగస్థలం రెండో సింగిల్ రాబోతోంది. అది తెలిసిన సంగతే. కానీ దాంతోపాటే రెండు నిమషాల విడియో బిట్ కూడా రాబోతోంది. రంగస్ధలంలో చరణ్ ఎలా వుంటాడో తెలుసు. కానీ విజువల్స్ ఎలా వుంటాయో? తెలియదు కదా? అది ఇప్పుడు ఈ రెండు నిమిషాల వీడియో బిట్ తో తెలుస్తుంది.

వాస్తవానికి ఇలా వీడియో బైట్ వదలాలన్నది రామ్ చరణ్ కోరిక. ఫస్ట్ సింగిల్ ‘ఎంత చక్కంగున్నావె’ పాట వదిలినపుడే లాస్ట్ మినిట్ లో చరణ్ కు ఈ అయిడియా వచ్చింది.

పాటతో పాటు రెండు నిమిషాల విజువల్స్ కూడా వదులుదాం అని సూచించాడు. కాదు కాదు, కాస్త గట్టి పట్టే పట్టాడు. కానీ లాస్ట్ మినిట్ లో సిజి, డిఐ, మిక్సింగ్ ఇలా అన్నీ మళ్లీ చేయాలి అంటే టైమ్ పట్టేస్తుంది. అందుకే డైరక్టర్ సుకుమార్ రామ్ చరణ్ కు సర్దిచెప్పి, సింగిల్ ను నేరుగా వదిలేసారు.

రెండో పాట టైమ్ లో రెండు నిమిషాల విజువల్స్ వదులుదాం అని సుకుమార్ మాట ఇచ్చాడు చెర్రీకి. ఆ మేరకు ఇప్పుడు రెడీ చేస్తున్నారు. మరి రెండో సింగిల్ రంగా.. రంగస్థలాన పాటతో పాటే మిక్స్ చేసి ఈ వీడియో వదులుతారో? లేదా ఆ ఆడియో వేరుగా, ఈ వీడియో వేరుగా వదులుతారో చూడాలి.

ఆ పాటలోనే రంగస్థలం విలేజ్ బ్యాక్ డ్రాప్, 1985 నాటి విజువల్స్ ఎలా రీ ప్రొడ్యూస్ చేసారో, అన్నది వీడియోగా చేసి, ఈ టైటిల్ సాంగ్ లోనే జత చేస్తారని కూడా వినిపిస్తోంది.

ఏమైనా మరో రెండు మూడు రోజుల్లో ఈ కానుక ఆన్ లైన్ లోకి విడుదల అవుతుంది.