రామ్ తో మళ్లీ కిషోర్ తిరుమల

స్లంప్ లోకి దిగుతున్న హీరో రామ్ కు నేను శైలజ సినిమాతో మాంచి హిట్ ఇచ్చాడు కిషోర్ తిరుమల. తొలి సినిమా సక్సెస్ తోనే ఇండస్ట్రీ దృష్టిని ఆకర్షించాడు. ఆ తరువాత చాలా మంది ఆఫర్లు ఇచ్చారు. నితిన్ తో సినిమా ఫైనల్ అనుకున్నారు. కానీ విక్టరీ వెంకటేష్ తో మలి సినిమాకు రెడీ అయ్యాడు. ఈ సినిమా సెట్ మీదకు వెళ్లాల్సి వుంది. 

ప్రస్తుతం వెంకీ తన గురు సినిమాపై దృష్టి పెట్టాడు. ఈ సినిమాను నవంబర్ ఎండింగ్ కే ఫినిష్ చేసేస్తాడట. ఎందుకంటే గురు సినిమాకు వెంకీ కాల్ షీట్లు చాలా తక్కువేనట. ఆ వెంటనే కిషోర్ తిరుమల సినిమా పట్టాలెక్కేస్తుందట. అందుకే తన మూడోసినిమాకు కూడా కిషోర్ ఇప్పటి నుంచే ప్రిపేర్ అయిపోతున్నాడు. 

తనకు తొలి చాన్స్ ఇచ్చిన హీరో రామ్ తోనే మూడో సినిమా చేయబోతున్నాడు. వెంకీ సినిమా ఫినిష్ కాగానే ఈ సినిమా సెట్ మీదకు వెళ్లిపోతుంది. ఇప్పుడు దొరికిన గ్యాప్ లో ఆ సినిమాకు కూడా స్క్రిప్ట్ ప్రిపరేషన్ లో కిషోర్ బిజీగా వున్నాడు.ఈ సినిమాను స్రవంతి బ్యానర్ పై రవికిషోర్ నిర్మిస్తారు.