Epaper
బాలకృష్ణ-క్రిష్ కాంబినేషన్ లో తెరకెక్కుతున్న ఎన్టీఆర్ సినిమాలో కీలకమైన చంద్రబాబు పాత్ర కోసం రానాను తీసుకున్నారు. ఈ మేరకు రానాపై టెస్ట్ కట్ పూర్తయింది. గడ్డాన్ని కాస్త సరిచేసి, పసుపు రంగు చొక్కా వేసి అచ్చమైన చంద్రబాబులా రానాను ముస్తాబుచేశారు. అంతేకాదు.. చంద్రబాబు గెటప్ లో, ఆయన మేనరిజమ్స్ లో రానా కొన్ని డైలాగ్స్ చెప్పి రిహార్సల్స్ కూడా పూర్తిచేశాడు.
ఈ పాత్ర కోసం కొన్ని రోజులుగా రానాతో సంప్రదింపులు జరుపుతున్న క్రిష్, ఎట్టకేలకు అతడ్ని ఎన్టీఆర్ ప్రాజెక్టులోకి తీసుకురాగలిగాడు. సినిమాలో రానాకు 3 బలమైన సన్నివేశాలున్నాయట. ఎన్టీఆర్-చంద్రబాబు సాన్నిహిత్యాన్ని చూపించడంతో పాటు.. స్వయంగా ఎన్టీఆర్ చంద్రబాబుకు తన కూతుర్ని ఇచ్చి పెళ్లి చేసిన సన్నివేశాల్ని ఇందులో చూపించబోతున్నారు.
రానా ఓకే అనడంతో క్రిష్ కన్ను ఇప్పుడు మహేష్ పై పడింది. సినిమాలో కృష్ణకు సంబంధించిన సన్నివేశం ఒకటుంది. ఆ ఒక్క సన్నివేశం కోసం మహేష్ ను తీసుకురావాలనేది క్రిష్ ప్లాన్. కానీ మహేష్ మాత్రం నో చెప్పినట్టు తెలుస్తోంది. ఇక ఏఎన్నార్ పాత్ర కోసం నాగార్జున లేదా సుమంత్ లో ఒకర్ని తీసుకోవాలని ఫిక్స్ అయ్యారు. బాలయ్య-నాగ్ కు పడడంలేదు కాబట్టి నాగార్జునను అడిగే సాహసం చేయడు క్రిష్.
ఎన్టీఆర్ బయోపిక్ కు సంబంధించి ఇప్పటికే ఓ షెడ్యూల్ పూర్తయింది. బాలయ్య, విద్యాబాలన్ పై కొన్ని సన్నివేశాలు తీశారు. నెక్ట్స్ షెడ్యూల్ లో రానా జాయిన్ అయ్యే అవకాశాలున్నాయి.