సమంత బాగా పెంచేసింది

బెల్లంకొండ సురేష్‌ తనకి అత్యధిక పారితోషికం ఇవ్వడంతో ‘అల్లుడు శీను’ చిత్రంలో అంతలా ఎక్స్‌పోజింగ్‌ చేసిందంటూ సమంత గురించి మీడియా కోడై కూస్తోంది. అల్లుడు శీనులో సమంత గ్లామర్‌కి కారణం పారితోషికమో కాదో తెలీదు కానీ ఆమె మాత్రం ఈమధ్య తన స్టయిల్‌ మార్చేసింది. 

అల్లుడు శీనులో అనే కాదు… త్వరలో విడుదల కాబోతున్న ‘సికిందర్‌’ చిత్రంలో సమంత గ్లామరస్‌గానే కాదు… చాలా మాసీగా కనిపించనుంది. ఇంతవరకు సమంత ఇంత మాస్‌గా కనిపించిన దాఖలాలే లేవు. సూర్య నటించిన ఈ చిత్రానికి సమంత ఎంత పెద్ద ఎట్రాక్షన్‌ అనేది ఆ సినిమా పోస్టర్లు చూస్తేనే తెలుస్తోంది. 

ప్రతి పోస్టర్‌లోను సమంత గ్లామరస్‌ స్టిల్స్‌ హైలైట్‌ అవుతున్నాయి. సమంత ఇంతగా ఎక్స్‌పోజింగ్‌ ఎందుకు పెంచేసిందో కానీ ఇంతవరకు శృతిహాసన్‌, తమన్నాలకి తనపై ఉన్న ఎడ్జ్‌ని ఆమె ఈ స్కిన్‌ షోతో మినిమైజ్‌ చేసేస్తోంది. అసలే టాప్‌లో ఉన్న హీరోయిన్‌.. ఇక ఇలా ఎక్స్‌పోజింగ్‌కి కూడా సై అంటూ ఉంటే మిగతా హీరోయిన్లు తన పోటీని ఎలా తట్టుకుంటారు పాపం.