సమ్మర్ అంటే సమంత

పెళ్లి తర్వాత కూడా ఏమాత్రం జోరు తగ్గించని సమంత, కెరీర్ ను చక్కగా ప్లాన్ చేసుకుంటోంది. మరీ ముఖ్యంగా సమ్మర్ సీజన్ ను అస్సలు వదిలిపెట్టడం లేదు. రంగస్థలం, మహానటి సినిమాలతో గతేడాది సమ్మర్ క్వీన్ అనిపించుకున్న ఈ బ్యూటీ, ఈ ఏడాది సమ్మర్ కు కూడా 2 సినిమాల్ని రెడీ చేసింది.

ఏప్రిల్ 5న మజిలీ రానుంది. సమంత, నాగచైతన్య కలిసి చేసిన సినిమా ఇది. శివ నిర్వాణ డైరక్ట్ చేసిన ఈ సినిమాపై అంచనాలు బాగానే ఉన్నాయి. ఈ మూవీ తర్వాత తను సోలోగా నటించిన హే బేబీ మూవీని రెడీ చేసింది సమంత. ఇది కూడా వేసవిలోనే విడుదలకాబోతోంది. ఈ రెండు సినిమాలు హిట్ అయితే ఈ సమ్మర్ లో కూడా సమంతదే డామినేషన్.

అటు డబ్బింగ్ సినిమాల సెగ్మెంట్ లో కూడా సమంత హవా నడుస్తోంది. గతేడాది సమ్మర్ లో అభిమన్యుడు సినిమా వచ్చింది. విశాల్, సమంత హీరోహీరోయిన్లుగా నటించిన ఆ సినిమా తెలుగులో కూడా క్లిక్ అయింది. ఈ ఏడాది సమ్మర్ కు కూడా అలాంటిదే మరో డబ్బింగ్ మూవీ రెడీ చేసింది.

కోలీవుడ్ లో ఆమె నటించిన సూపర్ డీలక్స్ సినిమా ఈ నెలాఖరుకు విడుదలకానుంది. తెలుగులో కూడా ఈ సమ్మర్ లోనే థియేటర్లలోకి వస్తుంది. అది కూడా క్లిక్ అయితే ఈ ఏడాది వేసవిలో కూడా సమంతదే పైచేయిగా నిలుస్తుంది.

టిడిపియే కాదు, వైసిపి కూడా యీ సత్యం గుర్తించాలి

 వైయస్‌ పాలించినది వైసిపి పార్టీ అధినేతగా కాదు