సమంత – వస్తుందా..ఊడుతుందా?

సమంత కెరీర్ భలేగా వుంది టాలీవుడ్ లో. ఒకటి వస్తుంది అనుకుంటే ఒకటి తగ్గేలా వుంది. నితిన్-త్రివిక్రమ్ కాంబినేషన్ లో సినిమా వచ్చింది అనుకుంటే, బ్రహ్మోత్సవంలో డవుట్ అంటున్నారు. అది ఇంకా తేలాల్సి వుంది.

మరోపక్క నాగచైతన్య సినిమా మీద కూడా సమంత కన్నేసిందని టాలీవుడ్ లో గుసగుసలు వినిపిస్తున్నాయి. ప్రేమమ్ ఆధారంగా చందు మొండేటి డైరక్షన్ లో రాధాకృష్ణ నిర్మాతగా నాగచైతన్య సినిమా చేయబోతున్నాడు. దీంట్లో ముగ్గురు హీరోయిన్లు. ఒక హీరోయిన్ గా దిశ పటాని ఫిక్స్. మరో హీరోయిన్ గా అనుపమ పరమేశ్వరన్ ఓకె.

ఇక మూడో హీరోయిన్ కోసం వేట సాగుతోంది. కాస్త డిగ్నిఫైడ్, మెచ్యూర్డ్ క్యారెక్టర్. పరణీతి చోప్రా, ఇంకా రెండు మూడు పేర్లు దగ్గర పెట్టుకుని వేట సాగిస్తున్నారు. అయితే ఈ క్యారెక్టర్ చేయాలని సమంత అనుకుంటోందట. మొన్నటికి మొన్న చై లేటెస్ట్ సినిమా టీజర్ కు మాంచి ట్వీట్ లు చేసింది కూడా అందుకే అంటున్నారు. ప్రేమమ్ సినిమా నిర్మాత రాధాకృష్ణకు గురువు, సలహాదారుడు అన్నీ త్రివిక్రమ్ నే. ఆయన ఒక్క మాట చెబితే ఫైనల్ అయిపోతుంది.

కానీ చైతూ ఇంత వరకు వేయని హీరోయిన్ అని అంటున్నాడని వెయిట్ చేస్తున్నారని టాక్. ఒక్కసారి చై కనుక సీనియర్లను ట్రయ్ చేద్దామా అని అంటే చాలు, సమంతను ఫిక్స్ చేసేసే చాన్స్ వుందట. మరి చైతూ నోట ఆ మాట ఎప్పుడు వస్తుందో..సమంత ఖాతాలో మరోసినిమా ఎప్పుడు పడుతుందో?