సందీప్ కిషన్ కేరాఫ్ సూర్య

సందీప్ కిషన్ కు బ్రేక్ రావడం లేదు కానీ, మంచి ప్రాజెక్టులే అటెంప్ట్ చేస్తూ వస్తున్నాడు. తాజగా చేస్తున్న ప్రాజెక్టుకు సుశీంద్రన్ డైరక్టర్. నాపేరుశివ లాంటి సినిమాతో తెలుగు ప్రేక్షకులకు పరిచయస్థుడే. స్వామిరారా వంటి సక్సెస్ ఫుల్ సినిమాను నిర్మించిన చక్రి చిగురుపాటి ఈ సినిమాకు నిర్మాత. మెహరీన్ కథానాయిక.

ఈ సినిమా టైటిల్ ను ఈసాయంత్రం హీరో సూర్య విడుదల చేస్తున్నారు. ఇలా చేయడం వెనుక ఆసక్తి కరమైన విషయం వుందని తెలుస్తోంది. సినిమా టైటిల్ కు హీరో సూర్యకు సంబంధం వుండడమే ఆ విశేషం.

సినిమా టైటిల్ లో సూర్య పేరు వుంటుందని తెలుస్తోంది. సూర్య అనో, కేరాఫ్ సూర్య అనో టైటిల్ ఫిక్స్ చేసారట. అందుకే ఈ టైటిల్ మరింతగా జనంలోకి వెళ్లడం కోసం హీరో సూర్య ద్వారా విడుదల చేయిస్తున్నారు.

ప్రస్తుతం సందీప్ కిషన్ నటించిన నక్షత్రం సినిమా విడుదలకు రెడీ అవుతోంది. ఈ చిత్రానికి దర్శకుడు కృష్ణవంశీ.