Epaper
మరి కొన్ని గంటల్లో బయటకు రాబోతోంది సరిలేరు నీకెవ్వరూ టీజర్. మహేష్ బాబు-అనిల్ రావిపూడిల కాంబినేషన్ లో తయారవుతున్న ఈ సినిమా కు మాంచి క్రేజ్ వుంది. ఇప్పటి వరకు ఈ సినిమాకు సంబంధించి సరైన పబ్లిసిటీ మెటీరియల్ బయటకు రాలేదు. ఈ టీజర్ నే అత్యంత కీలకంగా, ముందుగా వస్తున్న పబ్లిసిటీ మెటీరియల్ అనుకోవాలి.
సరిగ్గా 50 రోజులకు కాస్త అటుగా టైమ్ వుండగా ప్రచారం స్టార్ట్ చేస్తున్నారు. ఇలాంటి నేపథ్యంలో వస్తున్న టీజర్ లో ఏం వుండబోతోంది? ఏం చెప్పబోతున్నారు? ఏం చూపించబోతున్నారు? మాస్ పల్స్ తెలిసిన అనిల్ రావిపూడి ఏం మ్యాజిక్ చేయబోతున్నారు? ఇవన్నీ ప్రశ్నలే.
అయితే విశ్వసనీయ వర్గాల నుంచి అందుతున్న సమాచారం ప్రకారం టీజర్ లో హీరో మహేష్ బాబు, కీలక పాత్రధారులు విజయశాంతి, ప్రకాష్ రాజ్ కనిపించబోతున్నారని తెలుస్తోంది.
ముగ్గురు మీద మూడు డైలాగులు వుండే అవకాశం వుంది. మహేష్ బాబు సైన్యం నుంచి వస్తాడు కాబట్టి, 'దేశ సరిహద్దుల్లో రక్షణ కోసం తాము కష్టపడుతుంటే, దేశంలోపల మహిళలకు రక్షణ కరువు అవుతోంది' అనే అర్థం వచ్చేలాంటి డైలాగ్ ఏదో చెప్పే అవకాశం వుంది.
అలాగే మహేష్ ఫ్యాన్స్ కోసం, మాస్ కోసం ప్రకాష్ రాజ్ నోటి వెంట..'సంక్రాంతికి అల్లుడు వస్తాడు అనుకుంటే మొగుడు వచ్చాడు' అనే డైలాగులాంటిది ఏదో చెప్పిస్తారని టాక్ వినిపిస్తోంది.
ఇక విజయశాంతి నోటి వెంట కూడా మాంచి పవర్ ఫుల్ డైలాగు వుండే అవకాశం వుంది. మొత్తం మీద సరిలేరు నీకెవ్వరు సినిమా టీజర్ మాత్రం ఫ్యాన్స్ కు పక్కా ఫుల్ మీల్స్ లా వుంటుదని తెలుస్తోంది.