Epaper
శర్వానంద్-సుధీర్ వర్మ సినిమా స్టార్ట్ అయి చాలాకాలం అయింది. అయితే శర్వానంద్ ముందుగా పడి పడి లేచెమనసు ఫినిష్ చేయాల్సి వుండడంతో ఈ సినిమాను వెనక పెట్టాల్సి వచ్చింది. పైగా సుధీర్ వర్మ సినిమాల్లో రెండు గెటప్ లు కావడంతో, మరి కాస్త ఆలస్యం తప్పలేదు.
ఇదిలావుంటే ఈ సినిమా టైటిల్ విషయంలో కూడా ఆలస్యమే. దళపతి టైటిల్ అని అనుకుని, భరోసాతో వుండిపోయారు. కానీ తీరాచేస్తే, ఆ టైటిల్ వేరే వాళ్ల దగ్గర వుండిపోయింది. దాంతో మళ్లీ టైటిల్ కోసం వెదుకులాట మొదలయ్యింది.
సినిమా మే నెలాఖరు విడుదలకు రెడీ అవుతుంది. దానికితోడు మరో రెండురోజుల్లో (6న) శర్వానంద్ బర్త్ డే వస్తోంది. అప్పుడు కచ్చితంగా సినిమాకు సంబంధించి ఏదో హడావుడి తప్పదు. అందుకే టైటిల్ ను ప్రకటించే ప్లాన్ చేస్తున్నారు. అందుకోసం రెండు మూడు టైటిళ్లు పరిశీలిస్తున్నారు. ఆ విధంగా శర్వానంద్ సినిమాకు టైటిల్ రాబోతోందన్నమాట మొత్తానికి.
శర్వానంద్ ఓల్డ్ ఏజ్ డాన్ గా, యంగ్ మ్యాన్ గా రెండు రకాల షేడ్ ల్లో కనిపిస్తాడు. మాఫియా బ్యాక్ డ్రాప్ కొంత వుంటుందీ సినిమాకు. వీటన్నింటినీ దృష్టిలో వుంచుకుని ఎలాంటి టైటిల్ ఫిక్స్ చేస్తారో చూడాలి మరి?