సీనియర్ల కోసం సునీల్ యత్నాలు

హీరో సునీల్, ఎన్ కౌంటర్ శంకర్ కలిసి మళయాల సినిమా టూ కంట్రీస్ ను రీమేక్ చేయడానికి రెడీ అయ్యారు. ఈ సినిమా కథా పరంగా ఎక్కువ భాగం అమెరికాలో జరుగుతుంది. అందువల్ల వీలయినంత మంది నటులను ఎన్నారైల నుంచి తీసుకోవాలని డిసైడ్ అయ్యారు. ఈ మేరకు అమెరికాలో 10, 134 తేదీల్లో దర్శకుడు శంకర్ నేరుగా స్టార్ హంట్ నిర్వహిస్తున్నారు. 

ఇదిలా వుంటే, అమెరికాలో సెటిల్ అయిన కొంతమంది సీనియర్ నటీనటులను కూడా సంప్రదిస్తున్నారట. ఎలాగూ అక్కడే వుంటారు కాబట్టి,వారిని నటింప చేస్తే, సినిమాకు మరింత క్రేజ్ వస్తుందని ఆలోచిస్తున్నారు. ఇందులో భాగంగా, అమెరికాలో సెటిల్ అయిన లయ, మాధవి లను ఇప్పటికే సంప్రదించినట్లు తెలుస్తోంది. వాళ్లు కనుక ఓకె అంటే సినిమాకు ఏడెడ్ అడ్వాంటేజే.