Epaper
తెలుగు చలన చిత్ర సీమలో టాప్‌ హీరోయిన్లలో ఒకరిగా ఎదిగిన శృతి హాసన్‌ పక్క చూపులు చూసి వచ్చిన అవకాశాలని చెడగొట్టుకుంది. ఇంతలో పరాజయాలు ఎక్కువ కావడం, బాయ్‌ఫ్రెండ్‌తో బిజీగా వుండి దేశానికి దూరంగా వుండడం శృతి హాసన్‌కి అవకాశాలు లేకుండా చేసింది. ఇక పెళ్లి చేసుకుని సెటిల్‌ అయిపోతుందనే ఆమె గురించి మీడియాలో వార్తలొచ్చాయి.
కానీ శృతి తిరిగి తనకి ఇష్టమైన బాలీవుడ్‌లో రీఎంట్రీ ఇచ్చి మళ్లీ జర్నీ స్టార్ట్‌ చేసింది. మహేష్‌ మంజ్రేకర్‌ దర్శకత్వంలో శృతి నటిస్తోన్న చిత్రం ప్రస్తుతం గోవాలో చిత్రీకరణ జరుపుకుంటోంది. ఈ చిత్రంతో తిరిగి లైమ్‌లైట్‌లోకి వస్తానని, పెద్ద సినిమాలు చేజిక్కించుకుంటానని శృతి ఆశిస్తోంది. దక్షిణాదిలో హీరోయిన్ల కొరత బాగా వుందనే సంగతి తెలిసినా కానీ ముందుగా ఇటు రాకుండా బాలీవుడ్‌పై తనకి వున్న మోజుని ఆమె చూపించుకుంది.
దక్షిణాదిలో ఒక వెలుగు వెలిగిన శృతి హసన్‌కి మళ్లీ ఇలియానాకి వచ్చిన మాదిరిగా ఇక్కడ ఆపర్చునిటీ వస్తుందో రాదో కానీ ఆమె మాత్రం రానున్న రోజుల్లో కోల్పోయిన స్థానాన్ని తిరిగి కైవసం చేసుకుంటాననే ధీమా వ్యక్తం చేస్తోంది. ఆమధ్య కాస్త ఒళ్లు చేసిన శృతి హాసన్‌ ఈ గ్యాప్‌లో ఫిట్‌నెస్‌పై దృష్టి పెట్టి మళ్లీ మునుపటిలా నాజూగ్గా, సెక్సీగా తయారైంది.