‘సోగ్గాడి’ ముస్తాబు మళ్లీ మొదటికి?

నాగార్జున హీరోగా సోగ్గాడేచిన్ని నాయనా అనే ఓ సినిమా ప్రారంభమైంది. ఫాంటసీ టచ్ వున్న కథ ఇది. కన్నబాబు అని ప్రజారాజ్యం మాజీ శాసనసభ్యుని సోదరుడు కళ్యాణ్ దర్శకుడు దీనికి. ఇతగాడు మెగా క్యాంప్ లో వున్నాడు చిరకాలం.  

అక్కడ అవకాశం ఇవ్వలేకపోయారు కానీ, చిరంజీవి ఓసారి నాగ్ కు పరిచయం చేసారు. దాంతో ఆయన చాన్సిచ్చారు, కథ నచ్చి. ఇదంతా గతం. ఇప్పుడు లేటస్ట్ గుసగుస ఏమిటంటే…ఈ సినిమా సరిగ్గా రాలేదని. దాంతో నాగ్ చేసిన సినిమాను పక్కన పెట్టి, కొన్ని సీన్లను రిపేర్ చేయించే పనిలో పడ్డాడట. 

దర్శకుడు రాసుకున్న డైలాగులు అవీ సరిగ్గా రాలేదని వినికిడి. దీంతో ఈ మధ్య కాస్త పేరు తెచ్చుకుంటున్న ఓ రచయితను పిలిచి, సీన్లన్నీ కొత్తగా ముస్తాబు చేయిస్తున్నారని టాక్. ఈ రిటెన్ రిపేర్ అయిన తరువాత, మళ్లీ రీ షూట్ లు వుంటాయని వదంతులు చక్కర్లు కొడుతున్నాయి.