రవితేజ, నాగార్జునకు ​’​గ్యాంగ్​’​ దెబ్బ

బాలీవుడ్ లో సూపర్ హిట్ అయిన స్పెషల్ ఛబ్బీస్ (స్పెషల్-26) సినిమా తెలుగులోకి రీమేక్ అవుతుందంటూ దాదాపు రెండేళ్లుగా ప్రచారం జరుగుతోంది. సినిమా హిట్ అయిన కొత్తలో వెంకటేశ్, నాగార్జున పేర్లు తెరపైకి వచ్చాయి. తర్వాత రవితేజ పేరు గట్టిగా వినిపించింది. కానీ ఇప్పుడా సినిమా రీమేక్ దాదాపు లేనట్టే. దీనికి కారణం “గ్యాంగ్”.

సూర్య నటించిన ఈ సినిమా దాదాపు 'స్పెషల్-26' కాన్సెప్ట్ తోనే తెరకెక్కింది. ఈ విషయాన్ని దర్శకుడు విఘ్నేష్ శివన్ స్వయంగా ప్రకటించాడు కూడా. స్పెషల్ చబ్బీస్ లో మూలకథను ఆధారంగా చేసుకొని సూర్యతో సినిమా చేశానని వెల్లడించాడు. తెలుగులో గ్యాంగ్ పేరుతో విడుదలవుతోంది ఈ మూవీ.

సో.. గ్యాంగ్ సినిమా తెలుగులో రిలీజైతే ఇక స్పెషల్ ఛబ్బీస్ రీమేక్ ను ఎవరూ టేకప్ చేయకపోవచ్చు. ఈ రీమేక్ మూవీని దర్శకుడు హరీష్ శంకర్ హ్యాండిల్ చేస్తాడని, నిర్మాత కృష్ణ ప్రొడ్యూస్ చేస్తాడని అప్పట్లో వార్తలొచ్చాయి. గ్యాంగ్ రిలీజైన తర్వాత ఇకపై ఇలాంటి వార్తలు రావు.

మొత్తమ్మీద ఓ మంచి సినిమా రీమేక్ అవకాశాన్ని అటు నాగార్జున, ఇటు రవితేజ మిస్ చేసుకున్నారు. హీరో అక్షయ్ కుమార్ కెరీర్ లో ది బెస్ట్ హిట్స్ లో ఒకటిగా నిలిచింది స్పెషల్ చబ్బీస్ సినిమా.