Epaper
చిరంజీవి 151వ సినిమా సైరా నరసింహారెడ్డి ఫస్ట్ షెడ్యూల్ పూర్తి చేసుకుంది. మొదటి షెడ్యూల్ లోనే సినిమాకు సంబంధించి యాక్షన్ సన్నివేశాలు తెరకెక్కించారు. కత్తియుద్ధం, మల్లయుద్ధం లాంటి సన్నివేశాలు తీశారు.
హాలీవుడ్ యాక్షన్ కొరియోగ్రాఫర్ టోనీ చింగ్ ఆధ్వర్యంలో తెరకెక్కిన ఈ స్టంట్స్.. చాలా స్టయిలిష్ గా, చాలా బాగా వచ్చాయంటున్నాడు సినిమాటోగ్రాఫర్ రత్నవేలు. సురేందర్ రెడ్డి ఈ సినిమాకు దర్శకుడు. చిరంజీవి కెరీర్ లోనే భారీ బడ్జెట్ మూవీగా వస్తున్న సైరాకు రామ్ చరణ్ నిర్మాత.
సైరా సినిమాకు సంబంధించి నెక్ట్స్ షెడ్యూల్ డీటెయిల్స్ బయటకురాలేదు. రాజస్థాన్ లో ఈ మూవీకి సంబంధించి ఓ షెడ్యూల్ నిర్వహించాలని అనుకున్నారు. కానీ వాతావరణ పరిస్థితుల దృష్ట్యా నిర్ణయాన్ని వాయిదావేశారు.
ఈ సినిమాలో హీరోయిన్ గా నటిస్తున్న నయనతార ఇంకా సెట్స్ పైకి రాలేదు. ఆమె కాల్షీట్లు చూసి నెక్ట్స్ షెడ్యూల్ ఫిక్స్ చేయాలని యూనిట్ భావిస్తోంది.