తెలుగులోకి యామిరిక్కు భయమే

తమిళంలో చిన్న సినిమాగా వచ్చి పెద్ద హిట్ అయింది యామిరిక్కు భయమే అన్న సినిమా. ఇప్పుడు ఈ సినిమాను తెలుగులోకి తేవాలని చూస్తున్నారని వినికిడి. ఓ పెద్ద బ్యానర్, ఓ మాంచి హుషారైన హీరోతో ఈ సినిమాను ప్లాన్ చేసే ఆలోచనలో వున్నట్లు తెలుస్తోంది. 

హర్రర్ థ్రిల్లర్ జోనర్ కు చెందిన ఈ కథాంశం తెలుగువారికి కూడా నప్పుతుంది. అందులోనూ ఇటీవల మన దగ్గర హర్రర్ సినిమాలంటే ప్రేక్షకులు క్యూ కట్టేస్తున్నారు. చంద్రకళ, గీతాంజలి, పిశాచి అన్నీడబ్బులు చేసుకున్నవే. అందువల్ల యామిరిక్కు భయమే సినిమాను కూడా తెలుగు నేటివిటీకి, హీరోయిజానికి అనుగుణంగా చిన్న చిన్న మార్పులు చేసి, తీస్తే బాగానే వుంటుంది మరి.