Epaper
మరో అయిదు వారాల్లో విడుదలకు ముహుర్తం. కానీ సినిమాకు టైటిల్ మాత్రం సెట్ కాలేదు. శర్వానంద్-సుధీర్ వర్మ సినిమా సంగతే ఇది. కాస్త భారీ ఖర్చుతో, పీరియాడిక్ స్టోరీగా తయారుచేసారు సినిమాను. ఇందులో శర్వా రెండు షేడ్స్ లో కనిపిస్తాడు. ఓ విధంగా చెప్పాలంటే ఓ మాఫియా డాన్ బయోపిక్ అనుకోవాలి.
అందుకే ఈ సినిమాకు దళపతి అనే టైటిల్ అనుకున్నారు. కానీ అది దొరకలేదు. ఏదో ఒక టైటిల్ దొరక్కపోదా అని ఇన్నాళ్లు ఊరుకున్నారు. ఆఖరికి పార్థు అనే మంచి టైటిల్ ఎంపిక చేసారు. కానీ ఆ టైటిల్ చాలా సాఫ్ట్ గా వుంది. సినిమాకు మాంచి ఇంట్రస్టింగ్ టైటిల్ అయితే బాగుందని హీరో శర్వానంద్ సూచన.
దాంతో కథ మళ్లీ మొదటికి వచ్చింది. ఆ మధ్య ఇంద్రగంటి-నాని సినిమాకు వినిపించిన వ్యూహం అన్న టైటిల్ అయితే ఎలా వుంటుందని ఓ ఆలోచన. అచ్చం డబ్బింగ్ సినిమా టైటిల్ లా వుంటుందని ఫీడ్ బ్యాక్. ఇలా మొత్తంమీద సినిమా అంతా అయిపోయినా, టైటిల్ మాత్రం కుదరడం లేదు. ఎవరైనా సితార యూనిట్ కు ఓ మాంచి టైటిల్ సజెస్ట్ చేస్తే బెటర్ ఏమో?