ఇంద్రగంటి-నాని- ‘వి’

ఇంద్రగంటి మోహన్ కృష్ణ-హీరోలు నాని, సుధీర్ కుమార్ ల కాంబినేషన్ లో చేయబోయే సినిమాకు ఈనెల 29న ముహుర్తం పెట్టినట్లు తెలుస్తోంది. 26న ప్రారంభించాలి అనుకున్నారు కానీ, 29కి మార్చారు. ఈ సినిమాకు ఓ మాంచి వెరైటీ టైటిల్ ఫిక్స్ చేసినట్లు తెలుస్తోంది. అవెంజర్స్ ఊపు నేపథ్యంలో 29న టైటిల్ ప్రకటించాలా? వద్దా? అన్న ఆలోచనలో వున్నారు. కానీ, ఇప్పటికే టైటిల్ టాలీవుడ్ లో వినిపించడం ప్రారంభమైంది.

ఈ సినిమాకు సింగిల్ లెటర్ టైటిల్ పెట్టారు. 'వి' అనేది టైటిల్. విభిన్నమైన జోనర్లలో వైవిధ్యమైన సినిమాలు తీసే దర్శకుడు ఇంద్రగంటి. దాదాపు ఆయన టైటిళ్లలో 90శాతం వైవిధ్యంగా వుండేవే. అందుకే ఈసారి 'వి' అనే టైటిల్ ను అనుకుంటున్నట్లు తెలుస్తోంది.

ఇప్పటికే అ..అ..ఆ అన్న రెండు టైటిళ్లతో సినిమాలు వచ్చాయి ఇప్పుడు 'వి' అన్న టైటిల్ వస్తోంది. వి అంటే విక్టరీ నో, మరోకటో? సినిమాలో హీరోలకు దానితో వున్న కనెక్షన్ ఏమిటో? ఇవన్నీ రాను రాను తెలుస్తాయి. గతంలో అ అన్న సినిమాను నాని నిర్మించారు. ఇప్పుడు వి అన్న సినిమాలో నటిస్తున్నారు. 

ఆ మూడు లోక్ సభ స్థానాల్లో భారీగా క్రాస్ ఓటింగ్!