Epaper
ఇంగ్లీష్ సినిమాల్లోని పాయింట్లను చాలా కన్వీనియెంట్ గా లేపేసి, వాటిని వేరే రూట్లోకి మళ్లించి వేరే కథలు అల్లడం ఓ విద్య. దర్శకుడు త్రివిక్రమ్ ఇప్పటి వరకు చేసిన సినిమాలు అన్నింటికి మూలాలు ఎక్కడున్నాయో అని మన జనాలు వెదికి, బయటకు తీస్తుండడం కామన్. లేటెస్ట్ గా బన్నీతో త్రివిక్రమ్ సినిమా చేయబోతున్నారు. ఈ సినిమా లైన్ మీద, దాని మూలాల మీద ఇండస్ట్రీలో ఆసక్తికరమైన గ్యాసిప్ లు వినిపిస్తున్నాయి.
'ది ఇన్వెన్షన్ ఆఫై లైయింగ్' అని హాలీవుడ్ లో 2009లో ఓ సినిమా వచ్చింది. ఎప్పుడూ నిజాలే చెప్పే నేపథ్యంలో ఓ వ్యక్తి, అనుకోకుండా అవసరం కోసం అబద్దాలు ఆడుతూ పోవాల్సి రావడం. ఆఖరికి ఆ అబద్దాలను నిజం చేయాల్సి రావడం, ఇలాంటి వ్యవహారంతో కూడిన కథ అది.
ఈ కథను తండ్రీ కొడుకుల మధ్యకు మార్చి ఓ లైన్ ను త్రివిక్రమ్ తయారుచేసినట్లు ఇండస్ట్రీలో వినిపిస్తోంది. తండ్రి అబద్దాలను కొడుకు నిజంచేసే విధంగా వుంటుందని తెలుస్తోంది. ఫిబ్రవరిలో సినిమా ప్రారంభమై, సెట్ మీదకు కథ వస్తే మరిన్ని వివరాలు తెలుస్తాయేమో?
జగన్ కి అవగాహన లేకే అలా మాట్లాడాడు.. ముద్రగడ సంచలన వ్యాఖ్యలు