బయోపిక్ః తారక్ విషయంలో కల్యాణ్ రామ్ కవరింగ్!

తను ప్రతిష్టాత్మకంగా రూపొందిస్తున్న తండ్రి బయోపిక్ ఎన్టీఆర్ లో తారక్ కు స్థానం ఇవ్వలేదు బాలయ్య. కల్యాణ్ రామ్ కు అవకాశం ఇచ్చాడు.. ఈ సినిమా కోసం ఎంతోమంది క్రేజీ స్టార్స్ ను కొని తెచ్చుకున్నాడు. అయితే తారక్ కు మాత్రం ఛాన్స్ ఇవ్వలేదు. బాలయ్యకు తారక్ కు చాలాదూరం పెరిగిందనే వార్తల నేపథ్యంలో ఈ సినిమాలో తారక్ కనిపించకపోవడం కూడా చర్చనీయాంశంగా నిలిచింది. ఈ నేపథ్యంలో ఈ వ్యవహారాన్ని కవర్ చేసే బాధ్యత తీసుకున్నాడు కల్యాణ్ రామ్.

సినిమాలో తన తండ్రి హరికృష్ణ పాత్ర చేస్తున్న కల్యాణ్ రామ్.. తారక్  ఈ సినిమాలో లేకపోవడం పెద్ద విషయం కాదన్నాడు. తారక్ కు బాలయ్య చాలా గౌరవం ఇచ్చాడని, సినిమా ప్రీరిలీజ్ ఈవెంట్ కు తారక్ ను పిలిచాడని.. అదే తారక్ కు దక్కిన పెద్ద గౌరవం అని కల్యాణ్ రామ్ చెప్పుకొచ్చాడు.

తారక్ పెద్ద స్టార్ అని, అతడిని చిన్న పాత్రలో చూపించేస్తే.. అభిమానులు కూడా నిరాశ పడతారు అని.. ఈ సినిమాలో తారక్ నటించకపోవడానికి ఆ కారణం కూడా ఉందన్నట్టుగా కల్యాణ్ రామ్ చెప్పుకొచ్చాడు. ఈ విధంగా ఎన్టీఆర్ బయోపిక్ లో తారక్ కు స్థానం దక్కకపోవడం గురించి కవర్ చేయడానికి రకరకాలుగా ప్రయత్నించాడు కల్యాణ్ రామ్.

ఇక కూకట్ పల్లిలో ఎన్నికల ప్రచారానికి రాకపోవడంపై స్పందిస్తూ.. వ్యక్తిగత కారణాల వల్ల తను ప్రచారానికి వెళ్లలేదని చెప్పిన కల్యాణ్ రామ్.. ఎన్నికలు అయిపోయాయి కదా, ఇక ఆ విషయం ఎందుకు అని ఎదురు ప్రశ్నించాడు!

జగన్ కి అవగాహన లేకే అలా మాట్లాడాడు.. ముద్రగడ సంచలన వ్యాఖ్యలు 

వివాదాలు.. వైఫల్యాలు.. వివాహాలు..!