‘యాత్ర’లో జగన్ పాత్ర సస్పెన్స్

వైఎస్ బయోపిక్ కు ఎన్టీఆర్ బయోపిక్ కు ఓ సారూప్యం కనిపిస్తోంది. ఎన్టీఆర్ లో బాలకృష్ణ క్యారెక్టర్ వుండకుండా వుండదు? ఆ క్యారెక్టర్ ఎవరు ధరించారు అన్నది పాయింట్. యాత్ర సినిమాలో వైఎస్ తనయుడిగా జగన్ పాత్ర వుంటుందా? వుండదా? వుంటే ఎవరు ఆ పాత్రలో కనిపిస్తారు? అన్నది తెలియాల్సి వుంది.

యాత్ర సినిమా క్లయిమాక్స్ లో వైఎస్ జీవిత చరమాంకం కూడా వుంటుంది. ఏ సీన్లో జగన్ కనిపించకపోయినా, ఆఖరి సీన్లో అయినా జగన్ కనిపించక తప్పదు. అందువల్ల యాత్ర సినిమాలో జగన్ పాత్ర కచ్చితంగా వుంటుందనే తెలుస్తోంది. కానీ ఆ పాత్ర కొద్ది నిమిషాలు మాత్రమే కనిపించే అవకాశం వుంది.

అందువల్ల పెద్దగా ప్రాముఖ్యత లేని నటుడు నటించాడా? లేక ఎవరు చేసారన్న విషయం దాచిపెట్టారా? వాస్తవానికి జగన్ పాత్ర కోసం తమిళ నటుడు సూర్య లేదా ఆయన సోదరుడు కార్తీని తీసుకోవాలని ప్రయత్నాలు జరిగాయి. కానీ అది సాధ్యంకాక, జగన్ పాత్రను వదిలేసారని వార్తలు వినిపించాయి.

కానీ లేటెస్ట్ గా తెలుస్తున్న దాని ప్రకారం జగన్ పాత్ర వుందని, కొద్దిసేపు కనిపించే ఆ పాత్రను ఎవరు  పోషించారు అనేది దాచారని తెలుస్తోంది. ఫిబ్రవరిలో సినిమా విడుదల అయితే తప్ప, ఈ సస్పెన్స్ వీడదేమో?

జగన్ కి అవగాహన లేకే అలా మాట్లాడాడు.. ముద్రగడ సంచలన వ్యాఖ్యలు 

వివాదాలు.. వైఫల్యాలు.. వివాహాలు..!