Epaper
హటాత్తుగా సినిమా అనౌన్స్ మెంట్ అనగానే సినిమా జనాలు కాస్త ఆశ్చర్య పడ్డారు. ఇంకా అల వైకుంఠపురములో థియేటర్లలోనే వుంది. ఎన్టీఆర్ ఆర్ఆర్ఆర్ షూట్లో బిజీగా వున్నారు. ఇలాంటి టైమ్ లో వున్నట్లుండి తివిక్రమ్ డైరక్షన్ లో తారక్ సినిమా ప్రకటన వస్తూంది అంటూ హడావుడి. అలాగే అనకున్నట్లే ప్రకటన కూడా వచ్చేసింది. అప్పుడు తెలిసింది. ఎందుకు హడావుడిగా విడుదల చేసారో?
సినిమాను 2021 సమ్మర్ కు విడుదల చేస్తాం అని రుమాలు వేయడానికి ముందుగా ప్రకటించేసారు. ఆర్ఆర్ఆర్ సినిమా పుణ్యమా అని మొత్తం టాలీవుడ్ సినిమాలు అన్నీ చెల్లా చెదురు అయిపోయాయి. ఈ ఏడాది సమ్మర్ పోయింది. వచ్చే ఏడాది సంక్రాంతి పోయింది. ఇక మిగిలింది వచ్చే సమ్మర్ మాత్రమే.
చిరు-కొరటాల సినిమాకైనా, మహేష్-వంశీ పైడిపల్లి సినిమాకు అయినా, మరే సినిమాకు అయినా అదే డేట్. అందుకే హారిక హాసిని తెలివిగా ముందుగా రుమాలు వేసేసింది. రేపు గిల్డ్ ముందు పంచాయతీ అంటే ముందుగా మేమే ప్రకటించాం అని చెప్పుకోవడానికి వుంటుంది. అదీ విషయం. హారిక హాసిని నుంచి మరోసారి మహేష్ బాబు కు తలనొప్పి తప్పేలా లేదు.