ఉయ్యాలవాడకు తమన్ సంగీతం?

చిరంజీవి, సురేందర్ రెడ్డి కాంబినేషన్ లో రావాల్సిన 151వ సినిమాపై ఇప్పటివరకు ఎలాంటి క్లారిటీ లేదు. ప్రస్తుతం దర్శకుడు సురేందర్ రెడ్డి ఉయ్యాలవాడ నరసింహారెడ్డి కథతో కిందామీదా పడుతున్నాడట. ఆ కథే 151వ సినిమాగా వస్తుందా రాదా అనే విషయంపై కన్ఫ్యూజన్ ఉంది. అంతా ఈ అయోమయంలో ఉంటున్న టైమ్ లో మ్యూజిక్ డైరక్టర్ తమన్ ఈ గందరగోళాన్ని మరింత పెంచాడు. 

సురేందర్ రెడ్డితో దిగిన ఓ సెల్ఫీని పోస్ట్ చేశాడు తమన్. ప్రస్తుతం నా కిక్, నా రేసుగుర్రంతో ఉన్నానంటూ “వాట్ నెక్ట్స్” అని అర్థం వచ్చేలా క్వశ్చన్ మార్క్ సింబల్స్ ట్వీట్ చేశాడు. దీంతో చిరంజీవి 151వ సినిమాకు తమనే సంగీతం అందించబోతున్నాడంటూ ప్రచారం జరిగింది. తమన్ మాత్రం తన ట్వీట్ పై ఎలాంటి క్లారిటీ ఇవ్వలేదు. 

వాస్తవానికి తమన్ ఈ పోస్ట్ ను చాలా క్యాజువల్ గా పెట్టాడు. సూరి-తమన్ ది సూపర్ హిట్ కాంబినేషన్ కాబట్టి మళ్లీ ఓ హిట్ సినిమా కోసం వెయిట్ చేస్తున్నాననే అర్థం వచ్చేలా ట్వీట్ చేశాడు. అంతే తప్ప చిరంజీవి 151వ సినిమాకు ఈ ట్వీట్ కు ఎలాంటి సంబంధం లేదు.