వంటలకే కాదు.. ఇంకా చాలా చెప్తానంటుంది

ఒక్కసారి మొహానికి రంగేసుకున్నాక అంత తొందరగా ఆ రంగాన్ని వదిలిపెట్టలేరు ఎవరైనా. నేను కూడా అంతే మరి.. అంటుంది సెక్సీ యాంకర్‌ అశ్విని శర్మ. ప్రస్తుతం ఎక్స్‌ట్రా ఛానెల్‌లో వంటల ప్రోగ్రామ్‌లో మంచి పేరు తెచ్చుకుంది. 

గతంలో ప్రభాస్‌ నటించిన ‘ఛత్రపతి’ సినిమాలో వేణుమాధవ్‌ని భయపెట్టే చంద్రముఖిగా నటించి మంచి పేరు తెచ్చుకున్న అశ్విని మొదట సినిమాలకే ప్రిఫరెన్స్‌ ఇచ్చినా అట్టే అవకాశాలు రాకపోవడంతో టీవీల్లో యాంకరింగ్‌ వైపు మళ్ళింది. చక్కటి రూపం, మంచి గాత్రం.. కలిగిన అశ్విని యాంకర్‌గా సక్సెస్‌ అయ్యింది. ఊరికే వంటలు చేసే ప్రోగ్రామ్‌కే కాదు, తానింకా సినిమాల్లో పెద్ద పెద్ద క్యారెక్టర్స్‌ చెయ్యాలనుకుంటున్నానీ, అలాగే డాన్స్‌ ప్రోగ్రామ్స్‌లోనూ చెయ్యాలనుకుంటుందట. 

ప్రస్తుతం ఆడియో ఫంక్షన్స్‌కు కూడా తనని పిలిచి ఎంకరేజ్‌ చేస్తున్నారనీ ప్రోగ్రామ్‌ సక్సెస్‌ అవడానికి శాయశక్తులా కష్టపడతాననీ నవ్వుతూ నవ్విస్తూ వుండటమే తన అలవాటని చెబుతున్న అశ్విని త్వరలో ఒక సినిమాలో నటించడానికి రెడీ అవుతుందట. బెస్టాఫ్‌ లక్‌ అశ్విని.