కనీసం ఈ ఏడాదైనా హిట్ కొడతాడా?

2015లో వచ్చిన 'ఐ' సినిమా అట్టర్ ఫ్లాప్. 2016లో వచ్చిన ఇంకొక్కడు మూవీ కూడా అట్టర్ ఫ్లాప్. ఈ రెండేళ్లు మాత్రమే కాదు.. అంతకుముందు కూడా దాదాపు మూడేళ్లుగా హిట్ లేదు విక్రమ్ కి. రావణ్, వీడింతే, శివతాండవం సినిమాలన్నీ ఫ్లాపులయ్యాయి. ఇలాంటి టైమ్ లో స్కెచ్ సినిమాతో లక్ చెక్ చేసుకోబోతున్నాడు విక్రమ్.

విజయ్ చందర్ దర్శకత్వంలో విక్రమ్ నటించిన సినిమా స్కెచ్. దాదాపు 8నెలలుగా షూటింగ్ జరుపుకుంటున్న ఈ సినిమా విడుదలకు ముస్తాబైంది. వచ్చేనెలలో విడుదల చేయాలని నిర్ణయించారు. ఈ ఏడాది విక్రమ్ కు ఇదే తొలి సినిమా. ఇది కూడా ఫ్లాప్ అయితే విక్రమ్ కెరీర్ లో 2017 కూడా ఫ్లాప్ ఇయర్ గానే మిగిలిపోతుంది. 

ఐ, ఇంకొక్కడు సినిమాలు అట్టర్ ఫ్లాపులు అవ్వడంతో కొన్నాళ్లు గెటప్పులు పక్కనపెట్టాలని నిర్ణయించుకున్నాడు విక్రమ్. తాజా చిత్రం స్కెచ్ తో పాటు.. గౌతమ్ మీనన్ దర్శకత్వంలో చేస్తున్న ధృవనక్షత్రం సినిమాలో విక్రమ్ నుంచి కొత్త మేకోవర్స్ ఏం ఉండవు.