రెండో టీజర్ తోనైనా ఆఫీసర్ లేస్తాడా..?

సాధారణంగా టీజర్ రిలీజ్ చేసిన తర్వాత ట్రయిలర్ విడుదల చేస్తారు. ఆ తర్వాత సినిమా రిలీజ్ డేట్ ప్రకటిస్తారు. ఇక అక్కడ్నుంచి ప్రచారం ఊపందుకుంటుంది. కానీ ఆఫీసర్ విషయంలో చేసిన పనే మళ్లీ చేస్తున్నారు. ఇప్పటికే ఓ టీజర్ విడుదల చేశారు. ఎలాంటి బజ్ క్రియేట్ కాలేదు. దీంతో మరో టీజర్ విడుదల చేస్తున్నారు.

ఆఫీసర్ సినిమాకు సంబంధించి ఈరోజు సాయంత్రం 6గంటలకు మరో టీజర్ విడుదలకాబోతోంది. ఫస్ట్ టీజర్ లో నాగార్జున లుక్, స్టోరీలైన్ పై దృష్టిపెట్టిన దర్శకుడు ఆర్జీవీ, రెండో టీజర్ లో ఏం చూపించబోతున్నాడనేది ఆసక్తికరంగా మారింది. ఎందుకంటే మొదటి టీజరే దాదాపు ట్రయిలర్ లా ఉంది.

ఆఫీసర్ సినిమాపై ఎలాంటి అంచనాల్లేవు. దీనికి తోడు రీసెంట్ గా వర్మ చేసిన ట్వీట్లు, శ్రీరెడ్డి ద్వారా పవన్ పై అతడు చేయించిన అనుచిత వ్యాఖ్యల వల్ల ఆఫీసర్ రిలీజ్ అయోమయంలో పడింది. అందుకే మూవీ వైపు మరోసారి ప్రేక్షకుల్ని ఆకర్షించేందుకు రెండో టీజర్ రెడీ చేశారు.

ఈ సినిమాలో స్పెషల్ పోలీసాఫీసర్ గా కనిపిస్తున్నాడు నాగార్జున. సినిమాలో నాగ్ సరసన మైరా సరీన్ హీరోయిన్ గా నటించింది. ఈ నెల 25న ఆఫీసర్ ను విడుదల చేయబోతున్నట్టు ప్రకటించారు. కానీ సినిమా ఆ తేదీకి వచ్చేది అనుమానమే. మరోవైపు ఈ సినిమాకు దూరంగా ఉండాలని నాగ్ నిర్ణయించుకున్నట్టు తెలుస్తోంది.