Epaper
బాహుబలి ప్రభాస్ సాహో సినిమా విడుదల రోజుల్లోకి వచ్చేసింది. ఇన్నాళ్లూ పోస్ట్ ప్రొడక్షన్ వర్క్ మీద దృష్టిపెట్టిన మేకర్లు ఇప్పుడు సినిమా ప్రచారం మీదకు వచ్చారు. హీరో ప్రభాస్ టూర్ షెడ్యూలు ఖరారు చేసారు. తొలివిడతగా అన్ని ప్రధాన నగరాల్లో ట్రయిలర్ లాంచ్ వుంటుంది. అదే సమయంలో మీడియాలో ప్రభాస్ బ్రీఫ్ ఇంట్రాక్షన్ వుంటుంది. ముందుగా ట్రయిలర్ ను 10న ముంబాయ్ లో లాంచ్ చేస్తారు.
టోటల్ షెడ్యూలు ఇలా వుంటుంది..
ఆగస్టు..10 ట్రయిలర్ ముంబాయ్ లో లాంచ్
ఆగస్టు..11 హైదరాబాద్ లో ట్రయిలర్.. మీడియా ఇంట్రాక్షన్
ఆగస్టు..12 చెన్నయ్ లో
ఆగస్టు..13 కొచ్చిలో
ఆగస్టు..14 న్యూ డిల్లీలో
మళ్లీ ఆగస్టు 17 నుంచి మళ్లీ అన్ని రాష్ట్రాల్లో ఫ్రభాస్ పర్యటించి మీడియా ఇంటర్వూలు వగైరా కార్యక్రమాల్లో పాల్గోంటారు. అందులో భాగంగానే హైదరాబాద్ లో 20 తరువాత ప్రీరిలీజ్ ఫంక్షన్ వుంటుంది. ఇవికాక 27న దుబాయ్ అత్యంత భారీగా ప్రీరిలీజ్ ఫంక్షన్ వుంటుంది. బాలీవుడ్ సెలబ్రిటీలు అంతా దీనికి హాజరవుతారు. 29న దుబాయ్ లో ప్రీమియర్ వుండే అవకాశం వుంది.
ఇవన్నీకాక మధ్యలో లండన్ కు కూడా ప్రభాస్ వెళ్తారు. బెంగుళూరు, మరి కొన్ని ప్రాంతాలు ఇంకా ఫిక్స్ కాలేదు. సాహో విడుదల తరువాత ప్రభాస్ వారంరోజులు లండన్ వెళ్లి విశ్రాంతి తీసుకుని వచ్చి, రాధాకృష్ణ డైరక్షన్ లోని సినిమా షూటింగ్ స్టార్ట్ చేస్తారు. ఇదీ ప్రస్తుతానికి ఫిక్స్ అయిన షెడ్యూలు.