Epaper
ఆర్ఆర్ఆర్ యూనిట్ లో కీలకమైన నటీనటులకు సంబంధించిన పుట్టిన రోజులకు ఫస్ట్ లుక్స్, మోషన్ పోస్టర్లు రిలీజ్ చేయడం రెండేళ్లుగా ఆనవాయితీగా నడుస్తోంది. ఈ క్రమంలో ఈరోజు అజయ్ దేవగన్ ఫస్ట్ లుక్ వచ్చింది.
“లోడ్.. ఎయిమ్..షూట్.. ప్రజల్లో చైతన్యం రగల్చడమే అతడి బలం” అంటూ అజయ్ దేవగన్ లుక్, మోషన్ పోస్టర్ ను రివీల్ చేశాడు రాజమౌళి. బ్రిటిష్ సైనికులు చుట్టుముడుతుండగా.. ఏమాత్రం ధైర్యం కోల్పోకుండా తీక్షణంగా వాళ్లవైపు చూస్తున్న అజయ్ దేవగన్ లుక్ ఇది.
ఎన్టీఆర్, రామ్ చరణ్, అలియా భట్ పాత్రల పేర్లను వెల్లడించిన రాజమౌళి.. మోషన్ పోస్టర్ రిలీజ్ సందర్భంగా అజయ్ దేవగన్ పోషిస్తున్న క్యారెక్టర్ పేరు ఏంటనే విషయాన్ని మాత్రం బయటపెట్టలేదు.
స్వతంత్ర సమరయోధులు అల్లూరి సీతారామరాజు, కొమరం భీమ్ పాత్రల స్ఫూర్తితో పూర్తి ఫిక్షన్ కథతో రాజమౌళి ఈ సినిమాను తెరకెక్కిస్తున్నాడు. మూవీకి సంబంధించి దాదాపు బిజినెస్ క్లోజ్ చేశారు. అక్టోబర్ 13న ఆర్ఆర్ఆర్ సినిమా థియేటర్లలోకి వస్తోంది.