Epaper
బాలీవుడ్ తార‌లు ఖ‌రీదైన ఫ్లాట్ల‌ను అమ్మ‌కం, కోనుగోలు చేయ‌డంలో కూడా బిజీగా ఉంటారు. ముంబైలోని ఖ‌రీదైన ప్రాంతాల్లో హిందీ సినీతార‌ల ఇళ్ల ధ‌ర‌లు వింటే ఆశ్చ‌ర్యం క‌లుగుతుంది సామాన్యుల‌కు.
సినీతార‌లు, క్రికెట‌ర్లు ముంబైలోని కీల‌క ప్రాంతాల్లో ప‌దుల కోట్ల రూపాయ‌ల విలువ చేసే ఫ్లాట్ల‌ను క్ర‌య‌విక్ర‌యాల‌తో వార్త‌ల్లో నిలుస్తూ ఉంటారు. ఈ క్ర‌మంలో బాలీవుడ్ హీరో అర్జున్ క‌పూర్ త‌న ఫోర్ బెడ్రూమ్ ఫ్లాట్ ను అమ్మేశాడు.
ప‌ద‌హారు కోట్ల రూపాయ‌ల వ్య‌యానికి త‌న ఫ్లాట్ ను అమ్మేశాడు ఈ బాలీవుడ్ న‌టుడు. అయితే విశేషం ఏమిటంటే… ఇది న‌ష్టానికి అమ్ముకున్నాడ‌ట అర్జున్. గ‌త ఏడాదే ఈ ఫ్లాట్ ను అర్జున్ క‌పూర్ కొనుగోలు చేశాడు. అప్ప‌ట్లో ఇర‌వై కోట్ల రూపాయ‌ల ధ‌ర‌కు అర్జున్ క‌పూర్ ఈ ఫ్లాట్ ను కొన్నాడు. అయితే ఇప్పుడు అమ్మింది మాత్రం కేవ‌లం 16 కోట్ల రూపాయ‌ల‌కే!
మ‌రి ఏడాది వ్య‌వ‌ధిలోనే నాలుగు కోట్ల రూపాయ‌ల న‌ష్టానికి ఎందుకు అర్జున్ ఈ ఫ్లాట్ ను అమ్ముకున్నాడనేది ఆస‌క్తిదాయ‌కంగా మారింది. ఈ ఫ్లాట్ ను ఎంత‌గానో కోరి తీసుకున్నాడ‌ట అర్జున్. అందుకు ముఖ్య కార‌ణం.. దీనికి ద‌గ్గ‌ర్లేనే ఇత‌డి ప్రేయ‌సి మ‌లైకా అరోరా ఇల్లు ఉండ‌టం!
మ‌లైకా ఇంటి స‌మీపంలో ఈ భారీ ధ‌ర ప‌లికే ఫ్లాట్ ను అర్జున్ ఏడాది కింద‌ట కొన్నాడు. అప్పుడంతా ఆమెకు స‌న్నిహితంగా ఉండ‌టం కోస‌మే ఈ ఇంటిని అత‌డు కొన్నాడ‌నే వాద‌న హైలెట్ అయ్యింది.
ఇప్పుడు అదే ఇంటిని ఇత‌డు నాలుగు కోట్ల రూపాయ‌ల న‌ష్టానికి అమ్మేశాడు. దీంతో స‌హ‌జంగానే అంద‌రి దృష్టి వీరి ప్రేమ వ్య‌వ‌హారంపై కూడా మ‌ళ్లుతోంది!