Epaper
సినిమా తరువాత సినిమా వెంట వెంటనే చేయగల సత్తా, అవకాశం రెండూ వున్న దర్శకుల్లో అనిల్ రావిపూడి ఒకరు. సరిలేరు నీకెవ్వరు, ఎఫ్ 3, ఆ వెంటనే భగవంత్ కేసరి. ఫాస్ట్ గా సినిమాలు చేసే రకం అనిల్ రావిపూడి. అలాంటిది గత కొన్ని నెలలుగా అలా వుండిపోయారు.
విక్టరీ వెంకటేష్ తో సినిమా దిల్ రాజు నిర్మాత. స్క్రిప్ట్ రెడీ. కానీ సెట్ మీదకు వెళ్లలేదు. వెంకీ నెట్ ఫ్లిక్స్ రానా నాయుడు తో బిజీగా వున్నారు కొన్ని రోజులు. ఆ తరువాత రెడీగానే వున్నారు. కానీ ఎందుకని సెట్ మీదకు వెళ్లడం లేదు అన్నది తెలియదు.
నిర్మాత దిల్ రాజు గేమ్ ఛేంజర్ లో బిజీగా వున్నారు. తమ్ముడు సినిమా సెట్ మీద వుంది. ఇప్పుడప్పుడు కొత్త ప్రాజెక్ట్ లు ప్రారంభించాలని అనుకోవడం లేదో, కాస్త ఆగి చేద్దాం అనుకుంటున్నారో మరి. మొత్తం అనిల్ స్క్రిప్ట్ తో రెడీగానే వున్నా సెట్ మీదకు మాత్రం సినిమా వెళ్లడం లేదు. 2025 సంక్రాంతికి తన బ్యానర్ నుంచి ఓ సినిమా వస్తుందని దిల్ రాజు ప్రకటించి వున్నారు. అది ఈ సినిమా కోసమే అని అంతా అనుకున్నారు.
కానీ ఇప్పుడు గేమ్ ఛేంజర్ ఎక్కడికి వెళ్లి ఆగుతుందో తెలియడం లేదు. వెళ్లి వెళ్లి సంక్రాంతికి వరకు వెళ్తుందా తెలియదు. పైగా అక్కడ రామ్ చరణ్ తండ్రి మెగాస్టార్ సినిమా వుంది. అందువల్ల ఈ లోగానే దాన్ని విడుదల చేసేయాలి. అంటే సంక్రాంతికి ఇక అనిల్ సినిమానో, లేదా నితిన్ తమ్ముడు సినిమానో రెడీ చేయాలి. అనిల్ సినిమా సంక్రాంతికి రెడీ చేయాలన్నా కనీసం ఆరు నెలలు ముందు ప్రారంభించాల్సి వుంటుంది. అందువల్ల త్వరలో సెట్ మీదకు వెళ్తుందేమో?
అలా వెళ్లలేదు అంటే.. సమ్ థింగ్.. సమ్ థింగ్ అనుకోవాలేమో?