బాలయ్యతో ఆ హీరోయిన్

సీనియర్ హీరో బాలయ్యకు హీరోయిన్లు దొరకడం చాలా కష్టం. ప్రతి సినిమాకు ఇదో సమస్య. కానీ మైత్రీ మూవీస్-గోపీచంద్ మలినేని కాంబినేషన్ లో తయారయ్యే సినిమాకు మాత్రం టక్కున హీరోయిన్ సెట్ అయిపోయినట్లు తెలుస్తోంది. 

దర్శకుడు గోపీచంద్ మలినేనికి లక్కీ హీరోయిన్ అయిన శృతి హాసన్ ను మరోసారి రిపీట్ చేస్తున్నారు. ఆ విధంగా బాలయ్యకు హీరోయిన్ సమస్య తీరిపోయింది.  

రాయలసీమ బ్యాక్ డ్రాప్ లో నిర్మించే ఈ సినిమా త్వరలో స్టార్ట్ కాబోతోంది. ఈ సినిమాలో బాలయ్య పవర్ ఫుల్ రోల్ లో కనిపించబోతున్నారు. థమన్ సంగీతం అందించే ఈ సినిమా మీద మంచి అంచనాలు వున్నాయి. 

మైత్రీ లాంటి పెద్ద సంస్థ బాలయ్యతో సినిమా నిర్మించడం, క్రాక్ తరువాత గోపీచంద్ మలినేని డైరక్షన్ లో వస్తున్న సినిమా కావడంతో ఆ క్రేజ్ వచ్చింది.

ఈ సినిమా తరువాత బాలయ్య వరుసగా పెద్ద బ్యానర్లలోనే సినిమాలు చేయబోతున్నారు. సాహుగారపాటి ఓ సినిమా, నాగవంశీ సూర్యదేవర మరో సినిమా నిర్మించబోతున్నారు.