బాలయ్యతో విజయ్ ఢీ

విలన్ ఎంత బలవంతుడైతే హీరోకి అంత ఎలివేషన్ వస్తుంది. అందుకే మన సినిమాల్లో హీరో క్యారెక్టర్ కు దీటుగా విలన్ ఆర్టిస్ట్ ను కూడా ఫిక్స్ చేస్తారు. 

అవసరం అయితే వేరే భాషల నటుల్ని దిగుమతి చేసుకుంటారు. లేటెస్ట్ గా మరో కన్నడ నటుడు తెలుగులోకి విలన్ గా ఎంట్రీ ఇవ్వబోతున్నాడు

గోపీచంద్ మలినేని డైరక్షన్ లో బాలయ్య హీరోగా మైత్రీ మూవీస్ నిర్మించే సినిమా జై బాలయ్య. ఈ సినిమా లో విలన్ గా కన్నడ నటుడు దునియా విజయ్ నటించబోతున్నట్లు తెలుస్తోంది. 

విజయ్ కుమార్ అనే ఇతగాడు కన్నడంలో దునియా సినిమాతో పాపులరై, దునియా విజయ్ గా మారిపోయాడు. 

ఇప్పుడు ఆ విజయ్ నే జై బాలయ్యలో విలన్ గా తీసుకుంటున్నట్లు తెలుస్తోంది. క్యారెక్టర్ కు సరైన వాళ్లను తేవడంతో గోపీచంద్ మలినేనికి పేరుంది. 

క్రాక్ లో విలన్ గా వరలక్ష్మి శరత్ కుమార్ ను తీసుకుని సక్సెస్ కొట్టారు. ఈసారి ఆయన కన్ను దునియా విజయ్ మీద పడినట్లుంది.