నీలాంబరీ..నీలాంబరి

రెండేళ్లకు పైగా సెట్ మీదే వున్న ఆచార్య సినిమా నుంచి మరో పాట వచ్చింది. లాహె లాహె పాట వచ్చి పెద్ద హిట్ అయింది. మణిశర్మ-రామజోగయ్య కాంబినేషన్ లో ఆ పాట జనాలను బాగా ఆకట్టుకుంది. ఇప్పుడు రామ్ చరణ్-పూజ ల మీద చిత్రీకరించిన 'నీలాంబరి..నీలాంబరి..' పాటను విడుదల చేసారు.

పాట హుక్ లైన్ ఓకె కానీ, మిగిలిన వ్యవహారం ఏమంత క్యాచీగా లేదు. జనాల్లోకి వెళ్లడానికి కాస్త టైమ్ తీసుకునేటట్లే వుంది. మణిశర్మ చేసారు కాబట్టి వింటేజ్ స్టయిల్ అదీ, ఇదీ అంటూ సరిపెట్టేసుకోవడమే. లేదూ అంటే కాంటెంపరరీ స్టయిల్ లో ఇమిడేలా లేదు. 

పాటలో చరణ్ చేత కొత్త తరహా స్టెప్స్ వేయించే ప్రయత్నం చేసారు డ్యాన్స్ డైరక్టర్ శేఖర్. పాట రచనలో 'రి'..అంత్య ప్రాస కోసం రచయిత అనంత్ శ్రీరామ్ నానా పదాలు వెదుక్కోవాల్సి వచ్చింది. అలా కాకుండా వేరేలా రూట్లో పాట వెళ్లి వుంటే బాగుండేదేమో?

కొరటాల శివ దర్శకత్వంలో తయారవుతున్న ఈ సినిమాకు నిరంజన్ రెడ్డి నిర్మాత.