Epaper
అనుష్క-మాధవన్ కాంబినేషన్ లో పీపుల్స్ మీడియా నిర్మిస్తున్న వైవిధ్యమైన సినిమా నిశ్శబ్ధం. హేమంత్ మధుకర్ దర్శకుడు. బాహుబలి, భాగమతి తరువాత అనుష్క చేస్తున్న సినిమా ఇది. ఈ సినిమా ట్రయిలర్ ను విడుదల చేసారు. పక్కాగా హర్రర్ థ్రిల్లర్ గా సినిమాను ప్రోజెక్ట్ చేస్తూనే, ఎక్కడో చిన్న రివెంజ్ డ్రామా మిక్స్ చేసి వుంటారనే అనుమానం కలిగేలా ట్రయిలర్ ను కట్ చేసారు. టైటిల్ కు తగినట్లుగానే అనుష్కను మూగదానిగా చూపించారు. అంజలి-అవసరాల శ్రీనివాస్ కీలక పాత్రల్లో కనిపించారు.
ట్రయిలర్ కట్ చేసిన విధానం, దానికి గోపీసుందర్ ఇచ్చిన నేపథ్య సంగీతం సినిమా మీద ఆసక్తి రేకెత్తించేవిగా వున్నాయి. ట్రయిలర్ లో కథను పెద్దగా చెప్పకున్నా, జోనర్ ను వెల్లడించిన తీరు, దానికి పేర్చుకున్న సంఘటనలు కలిసి, ప్రేక్షకులు కొంత వరకు ఊహించుకునే చాన్స్ ఇచ్చారు.
అనుష్కను ట్రయిలర్ లో వీలయినంత తక్కువగా చూపించడం, అది కూడా చాలా లిమిటెడ్ ఫ్రేమ్ ల్లో చూపించడం చూస్తుంటే, సినిమాలో ఎలా చూపించి వుంటారో అన్న అనుమానం కలుగుతోంది. భాగమతి తరువాత వస్తున్న ఈ సినిమా మీద కూడా భాగమతి ఛాయలు కనిపించడం విశేషం. టీజీ విశ్వప్రసాద్ నిర్మించిన ఈ సినిమాకు వివేక్ కూచిభొట్ల సహ నిర్మాత.