Epaper
ఎన్నాళ్ల నుంచో వార్తల్లోనే వున్న సినిమా పవన్ కళ్యాణ్-హరీష్ శంకర్ ల ‘భవదీయుడు భగత్ సింగ్’. ఈ సినిమా ప్లానింగ్ మీద ఉన్నన్ని గ్యాసిప్ లు మరే సినిమా మీద లేవేమో? ఈ ప్రాజెక్ట్ వుందనీ, కాదు కాదు లేదనీ, కథ నచ్చలేదని, నచ్చింది మార్పులు వున్నాయనీ ఇలా ఒకటి కాదు రెండు కాదు చాలా గ్యాసిప్ లు. మరోపక్కన సాహో దర్శకుడు సుజిత్ తో డివివి దానయ్య కోసం తెరి సినిమా రీమేక్ ను పవన్ కళ్యాణ్ చేయబోతున్నారని కూడా వార్తలు వచ్చాయి.
ఇప్పుడు లేటెస్ట్ గా కొత్త గ్యాసిప్ వినిపిస్తోంది. తన కథ నచ్చనందున కావాలంటే తెరి రీమేక్ ను తానే చేస్తానని హరీష్ శంకర్ అన్నారని కూడా గతంలో వచ్చిన వార్తలకు ఇది కొనసాగింపు. ఈ నెల 9న తెరి సినిమాకు తన వెర్షన్ వినిపిస్తానని హరీష్ శంకర్ చెప్పారని దాని పవన్ ఓకె అన్నారని తెలుస్తోంది.
ఇదే నిజమైతే భవదీయుడు ప్రాజెక్టును తాత్కాలికంగా పక్కన పెట్టినట్లే అవుతుంది. గద్దల కొండ గణేష్ సినిమా తరువాత నుంచి ఇప్పటి వరకు దర్ళకుడు హరీష్ శంకర్ వెయిటింగ్ లోనే వున్నారు.
ఇప్పటికైనా ఈ ప్రాజెక్టు సెట్ అయితే బాగుంటుంది. మరోపక్కన రామ్ తో, మెగాస్టార్ తో సినిమాల ప్రయత్నాల్లో వున్నారని వార్తలు వున్నాయి. ఇది సెట్ కాకపోతే అటు వెళ్లిపోతారేమో?