Epaper
పవన్ కళ్యాణ్ ఫ్యాన్స్ ఆతృతగా ఎదురుచూస్తున్న భీమ్లా నాయక్ ట్రయిలర్ విడుదలయింది. వన్ మినిట్ 20 సెకెండ్ల నిడివి వున్న ఈ ట్రయిలర్ మొత్తం ఎమోషనల్ సీన్లతో నిండిపోయింది.
సినిమాలో ఓపెనింగ్ షాట్ నే ట్రయిలర్ ఓపెనింగ్ షాట్ మాదిరిగా కట్ చేసారు. ట్రయిలర్ మొత్తం ఇటు పవన్ కళ్యాణ్ అటు రానా కు దాదాపు సమానంగా స్క్రీన్ షేరింగ్ చేసారు.
పవర్ ఫుల్ పోలీస్ ఆఫీసర్ గా పవన్, ఇగోయిస్ట్ రిచ్ పర్సన్ గా రానా పెర్ ఫెక్ట్ గా ఫిట్ అయినట్ల కనిపిస్తోంది. ఒక ఎక్స్టీమిస్ట్ కు యూనిఫారమ్ వేసి కూర్చోపెడితే, అది కాస్తా తీసేసావు అనే డైలాగు ద్వారా సినిమాలో హీరో పోలీస్ అధికారిగా సస్సెండ్ అయిన తరువాత ఎలా చెలరేగిపోతాడు అన్నది ముందుగానే హింట్ ఇచ్చేసారు.
నిత్యమీనన్ పాత్రను కూడా భర్త కు పూర్తిగా సపోర్టివ్ అన్నట్లుగా ఓ డైలాగు వేసి పరిచయం చేసారు. మురళీశర్మ, రావు రమేష్, సముద్రఖని పాత్రల స్వభావాలు కూడా ఒక్కో డైలాగుతో ట్రయిలర్ లో పరిచయం చేసారు.
పవన్ ట్రేడ్ మార్క్ డైలాగు ‘తోలు తీస్తా నా కొడకా’ కూడా చోటు చేసుకుంది. మొత్తం మీద అవుట్ అండ్ అవుట్ మాస్ ఎమోషనల్ సినిమా అనిపించేలా ట్రయిలర్ ను కట్ చేసారు.