బుల్లితెరపై దుమ్ముదులిపిన బింబిసారుడు

జగత్ జజ్జరిక అంటూ సిల్వర్ స్క్రీన్ పై సూపర్ హిట్ కొట్టిన కల్యాణ్ రామ్, తన మేజిక్ ను స్మాల్ స్క్రీన్ పై కూడా రిపీట్ చేశాడు. కల్యాణ్ రామ్ హీరోగా నటించిన బింబిసార సినిమా బుల్లితెరపై కూడా సూపర్ హిట్టయింది. ఈ సినిమాకు డబుల్ డిజిట్ రేటింగ్ వచ్చింది.

ఫిక్షనల్ టైమ్ ట్రావెల్ కాన్సెప్ట్ తో తెరకెక్కిన బింబిసార సినిమాను జీ తెలుగులో ప్రసారం చేశారు. ఈ సినిమాకు 11.5 టీఆర్పీ వచ్చింది. రీసెంట్ గా కల్యాణ్ రామ్ నటించిన ఏ సినిమాకూ ఈ స్థాయిలో రేటింగ్ రాలేదు. అలా వెండితెరపైనే కాకుండా, టీవీల్లో కూడా సూపర్ హిట్ కొట్టాడు కల్యాణ్ రామ్.

టఫ్ కాంపిటిషన్ మధ్య రిలీజైంది బింబిసార సినిమా. ఈ సినిమాకు ముందు-వెనక ప్రతి వారం ఓ పెద్ద సినిమా రిలీజైంది. బింబిసారకు ముందు రామారావు ఆన్ డ్యూటీ, థ్యాంక్ యు, వారియర్ లాంటి సినిమాలు.. బింబిసార తర్వాత మాచర్ల నియోజకవర్గం, కార్తికేయ-2 సినిమాలొచ్చాయి. ఇక బింబిసారతో పాటు సీతారామం కూడా రిలీజైంది. ఇంత గట్టి పోటీ మధ్య కూడా బింబిసార నిలబడింది.

కల్యాణ్ రామ్ కెరీర్ లోనే బింబిసారను రిస్కీ ప్రాజెక్టుగా చెబుతారు. కల్యాణ్ రామ్ మార్కెట్ ను మించిన బడ్జెట్ తో, ఓ కొత్త దర్శకుడితో తీసిన భారీ సినిమా ఇది. కేవలం కంటెంట్ పై నమ్మకంతో ఇంత రిస్క్ చేసి హిట్ కొట్టాడు కల్యాణ్ రామ్.