సినిమా ప్రముఖులకు కరోనా

టాలీవుడ్ కింగ్ పిన్స్ లో ఒకరైన అల్లు అరవింద్ కు కరోనా సోకినట్లు బోగట్టా. గమ్మత్తేమిటంటే అల్లు అరవింద్ ఇప్పటికే కరోనా రెండు డోస్ లు పూర్తి చేసారు. అయినా కరోనా వచ్చింది. ప్రస్తుతం రికవరీ అవుతున్నట్లు బోగట్టా. 

ఇదిలా వుంటే టాప్ డైరక్టర్ త్రివిక్రమ్ కూడా కరోనా బారిన పడ్డారు. ఆయన కూడా వ్యాక్సీన్ ఒక డోస్ తీసుకున్నారు. ఇంకా రెండో డోస్ తీసుకోవాల్సి వుంది. ఈలోగ కరోనా వచ్చింది. ఆయన కూడా రికవరీ అవుతున్నారు.

సీనియర్ నిర్మాత ఎన్వీ ప్రసాద్ కూడా కరోనా బారిన పడ్డారు. ఆయన ఆసుపత్రిలో కోలుకుంటున్నారు. పీపుల్స్ మీడియా భాగస్వామి వివేక్ కూచి భొట్ల కూడా కరోనా సోకి, రికవరీ అయ్యారు. వన్ వీక్ లో నెగిటివ్ వచ్చింది. మొత్తం మీద కరోనా సెకెండ్ ఫేజ్ కాస్త గట్టిగానే వుండేలా కనిపిస్తోంది. 

ఆంధ్రలో, తెలంగాణలో రోజుకు పది నుంచి ఇరవై శాతం కేసులు పెరుగుతున్నాయి. మళ్లీ క్వారంటైన్ లు, పడకలు రెడీ చేస్తున్నారు. హైదరాబాద్ లో ఆసుపత్రుల్లో పడకలు నిండుకుంటున్నాయన్న వార్తలు వినిపిస్తున్నాయి.