కలెక్టర్ గా నితిన్

హీరో నితిన్ కలెక్టర్ గా కనిపించబోతున్నారు. ఎడిటర్ శేఖర్ డైరక్షన్ లో ప్రారంభమైన మాచర్ల నియోజకవర్గం అనే టైటిల్ పెట్టుకున్న సినిమాలో నితిన్ కలెక్టర్ గా కనిపించబోతున్నట్లు తెలుస్తోంది. 

ఓ మాంచి లవ్ స్టోరీని ఓ నియోజకవర్గ సమస్యలతో బ్లెండ్ చేసి ఈ సినిమా కథను తయారు చేసినట్లు తెలుస్తోంది.

ఈ తరహా పాత్రను నితిన్ ఇప్పటి వరకు చేయలేదు. పైగా సై సినిమా తరువాత బలమైన విలన్ ను ఢీ కొనే కథ కూడా రాలేదు. అందుకే అలాంటి భయంకరమైన విలన్ వుండే కథను శేఖర్ తయారు చేసినట్లు తెలుస్తోంది. 

ఇటు మాంచి లవ్ స్టోరీ, అటు మాంచి సొసైటీ స్టోరీ కలిపి బ్లెండ్ చేసి అందించబోతున్నట్లు బోగట్టా. మహతి స్వరసాగర్ సంగీతం అందించే ఈ సినిమాకు నితిన్ తండ్రి సుధాకరరెడ్డి తో పాటు టాగోర్ మధు, హరి కూడా సహనిర్మాతలు.