హార్రర్ మూవీ లవర్స్ కోసం డీ మాంటీ కాలనీ 2

సక్సెస్ ఫుల్ హారర్ థ్రిల్లర్ “డీమాంటీ కాలనీ”కి సీక్వెల్ గా తెరకెక్కింది “డీమాంటీ కాలనీ 2”. అరుల్ నిధి, ప్రియ భవానీశంకర్, అన్టి జస్కేలినెన్, సెరింగ్ డోర్జ్, అరుణ్ పాండియన్ కీలక పాత్రల్లో నటించిన ఈ చిత్రాన్ని దర్శకుడు అజయ్ ఆర్ జ్ఞానముత్తు రూపొందించారు. శ్రీ బాలాజీ ఫిలింస్ బ్యానర్ పై యన్ శ్రీనివాస రెడ్డి సమర్పణలో బి సురేష్ రెడ్డి, మానస రెడ్డి డీమాంటీ కాలనీ 2 చిత్రాన్ని తెలుగు ప్రేక్షకుల ముందుకు తీసుకొచ్చారు. నైజాం ఏరియాలో మైత్రీ మూవీ డిస్ట్రిబ్యూషన్ రిలీజ్ చేసింది.

ఈ వారం రిలీజైన చిత్రాల్లో ప్రేక్షకుల దృష్టిని బాగా ఆకర్షించింది డీమాంటీ కాలనీ 2. సినీ ప్రియులు, హారర్ చిత్రాలను ఇష్టపడేవారు ఈ సినిమా చూసేందుకు వెళ్తున్నారు. ఈ నెల 15న తమిళనాట విడుదలై ఘన విజయాన్ని సాధించిన డీమాంటీ కాలనీ 2 తెలుగులోనూ మొదటి రోజే మంచి టాక్ తెచ్చుకుంది.

సినిమా కంటెంట్ మీద నమ్మకంతో రిలీజ్ కు మూడు రోజుల ముందు నుంచే డీమాంటీ కాలనీ 2 పెయిడ్ ప్రీమియర్స్ ప్రదర్శించారు తెలుగు నిర్మాతలు బి.సురేష్ రెడ్డి, మానస రెడ్డి. రిలీజ్ డే ముందు రాత్రి వరకు ఈ సినిమా పెయిడ్ ప్రీమియర్స్ స్క్రీనింగ్ అ‌వుతూనే వచ్చాయి. ఈ పెయిడ్ ప్రీమియర్స్ ద్వారా ఆడియెన్స్ నుంచి వచ్చిన పాజిటివ్ రెస్పాన్స్ సినిమా మీద అంచనాలు పెంచింది. అందుకే నిన్ననే ప్రేక్షకుల ముందుకొచ్చిన ఈ సినిమా ఓ సూపర్ హిట్ సినిమాకు కావాల్సినంత పేరు తెచ్చుకుంది.

ప్రేక్షకుల రెస్పాన్స్ తో పాటు క్రిటిక్స్ ప్రశంసలు దక్కించుకుంటోంది డీమాంటీ కాలనీ 2. ఈ క్రేజ్ తో ఈ వారం రిలీజైన చిత్రాల్లో డీమాంటీ కాలనీ 2 సినిమానే సెలెక్ట్ చేసుకుంటున్నారు ప్రేక్షకులు. దీంతో ఈ సినిమాకు ఈ రోజు నుంచి మరిన్ని స్క్రీన్స్ పెరిగాయి.