Epaper
బాహుబలి ప్రభాస్ కు హీరో గోపీచంద్ కు మాంచి స్నేహం. ఆ స్నేహం కోసమే గతంలో జిల్ అనే సినిమా కూడా చేసాడు. ఆ తరువాత కూడా అదే స్నేహం కొనసాగుతోంది. గోపీచంద్ లేటెస్ట్ సినిమా సీటీమార్ త్వరలో విడుదల కాబోతోంది. ఈ సినిమా ప్రీ రిలీజ్ ఫంక్షన్ కు ప్రభాస్ వస్తే బాగుంటుందని గోపీచంద్ కోరిక.
కోవిడ్ రెండో దశకు ముందు సీటీమార్ విడుదల ప్లాన్ చేసినపుడు ఈ మేరకు ప్రభాస్ ను అడగడం, ఆయన ప్రయత్నిస్తానని మాట ఇవ్వడం జరిగిపోయాయి. కానీ సినిమా విడుదల ఆగిపోయింది. ఇప్పుడు ఇన్నాళ్ల తరువాత విడుదల కాబోతోంది. సెప్టెంబర్ 3 విడుదల. ప్రీ రిలీజ్ ఫంక్షన్ ఈ నెలాఖరులో వుండే అవకాశం వుంది.
ప్రభాస్ ను కలిసి మరోసారి స్పెషల్ గెస్ట్ గా రావాలని కోరే ఆలోచనలో గోపీచంద్ వున్నాడని బోగట్టా. అయితే ప్రస్తుతం ప్రభాస్ వరుసగా పాన్ ఇండియా సినిమాలతో బిజీగా వున్నాడు. మరి రావడానికి వీలు కుదురుతుందో లేదో? వస్తే మటుకు ఆ హడావుడి ఓ రేంజ్ లో వుంటుంది.
ప్రభాస్ ఫ్యాన్స్ తమ హీరోను బయట చూసి చాలా కాలం అయింది. ఓ సినిమా ఫంక్షన్ కు ప్రభాస్ వస్తున్నాడు అంటే ఆ హడావుడి మామూలుగా వుండదు. మరి పాండమిక్ నేపథ్యంలో అలాంటి హడావుడికి ప్రభాస్ తావిస్తాడా? చూడాలి మరి.