కళ తెచ్చిన అఖండ

మొత్తానికి అందరూ ఊహించినట్లే బాక్సాపీస్ కు అఖండ సినిమా కళ తెచ్చింది. కరోనా ఫేజ్ 2 తరువాత ఇంత హంగామా, ఇంత హడావుడి, అఖండతోనే మొదలయింది. 

థియేటర్ల దగ్గర సెలబ్రేషన్లు, ఫ్యాన్స్ హంగామా, థియేటర్లలో డ్యాన్స్ లు, పేపర్లు విసరడం వంటి హడావుడి అంతా అఖండతోనే మళ్లీ మొదలయ్యాయి. నిజానికి కరోనా ఫేజ్ 2 తరువాత విడుదలయిన పెద్ద సినిమా కూడా అఖండ నే.

ఈ సినిమాకు వచ్చే రెస్పాన్స్ కోసమే టాలీవుడ్ ఆసక్తిగా ఎదురు చూసింది. అదే జ‌రిగింది. దీంతో టాలీవుడ్ ఇప్పుడు ఫుల్ హ్యపీగా వుంది. టాలీవుడ్ బిగ్గీస్ అంతా ట్వీట్ల వర్షం కురిపిస్తున్నారు. మహేష్ బాబు, ఎన్టీఆర్ లాంటి టాప్ హీరోలు అందరూ అఖండ ను ప్రశంసిస్తూ ట్వీట్ లు వేయడం విశేషం.

తొలి రోజు భారీగా వసూళ్లు కళ్ల చూసిందని ఇప్పటికే ప్రకటించారు. కరోనా ఫేజ్ 2 తరువాత మాసివ్ ఓపెనింగ్, కోట్ల కలెక్షన్లు కనిపిస్తున్న సినిమా ఇదే. దీని తరువాత పుష్ప సినిమా రాబోతోంది. ఇక అప్పుడు ఏ రేంజ్ హడావుడి వుంటుందో చూడాలి.