మరో ‘సారంగ దరియా’?

సాయిపల్లవి మంచి నటి. అంతకన్నా మంచి డ్యాన్సర్. ఫిదా అయినా, లవ్ స్టోరీ అయినా సాయిపల్లవి తన డ్యాన్స్ లతో పిచ్చెక్కించిన సినిమాలే. 

ఇప్పుడు మళ్లీ అలాంటి ఫీట్ కోసం ప్రయత్నాలు జరుగుతున్నాయి. నాని హీరోగా తయారువుతున్న శ్యామ్ సింఘరాయ్ లో సినిమాలో ఒక ఎపిసోడ్ మొత్తం కలకత్తా బ్యాక్ డ్రాప్ లో వుంటుందన్న సంగతి తెలిసిందే.

అందువల్ల సినిమాలో ఓ నవరాత్రి ఉత్సవం పాటను ప్లాన్ చేసారు. పక్కా క్లాసికల్ డ్యాన్స్ తో సాగే పాట ఇది. ఈ లెంగ్తీ సాంగ్ లో సాయిపల్లవి క్లాసిక్ డ్యాన్స్ తో మైమరిపించబోతోంది. చాలా భారీ ఖర్చుతో ఈ పాటను ఇప్పటికే సెట్ లో పిక్చరైజ్ చేసారు. 

అథెంటిక్ నవరాత్రి ఉత్సవాల మాదిరిగా చిత్రీకరించినట్లు బోగట్టా. ఇంతకీ పాట ఎలా వచ్చిందీ? చిత్రీకరణ ఎలా సాగిందీ అన్న విషయాలు తెలియాల్సి వుంది. 

నాని ఈసినిమాలో డ్యూయల్ రోల్ చేస్తన్నారు. కలకత్తాకు చెందిన రచయితగా ఫ్లాష్ బ్యాక్ లో, సినిమా రైటర్ గా ఓ ఎపిసోడ్ లో కనిపిస్తాడని తెలుస్తోంది.