Epaper
అల్లరి నరేష్ హీరోగా వచ్చిన నాంది సినిమాకు అన్ని వైపుల మంచి అప్లాజ్ వచ్చింది. డైరక్టర్ విజయ్ కు అవకాశాలు వెదుక్కుంటూ వస్తున్నాయి.
చాలా పెద్ద సంస్థలు ఆ డైరక్టర్ కు కబుర్లు చేస్తున్నాయి. అడ్వాన్స్ లు చేతిలో పెడుతున్నాయి. ఇదిలా వుంటే నిర్మాత దిల్ రాజు నాంది అనువాదపు హక్కులు కొనుగోలు చేసినట్లు తెలుస్తోంది.
ఇతర భాషల్లో నాందిని అనువాదం చేయడానికి, రీమేక్ చేయడానికి లేదా అనువాదం చేసి డిజిటల్ విడుదల చేయడానికి వీలైన హక్కులను రెండు కోట్లకు పైగా చెల్లించి దిల్ రాజు కొనుగోలు చేసారని వార్తలు వినిపిస్తున్నాయి.
ఇందులోనే తెలుగు డిజిటల్ రైట్స్ వున్నాయా? లేదా అన్నది ఇంకా తెలియరాలేదు. ఈ మధ్యనే దిల్ రాజు నాంది టీమ్ కు సత్కారం చేసిన సంగతి తెలిసిందే.
ఇదిలా వుంటే నాంది దర్శకుడితో సినిమాలు చేయాలని దిల్ రాజు, బన్నీ వాసు, సితార ఎంటర్ టైన్ మెంట్స్ ఇలా ప్రతి ఒక్కరు రెడీ అవుతుండడం విశేషం.