యాక్షన్ కోసం పాట పాడిన రానా

విశాల్, తమన్న హీరోహీరోయిన్లుగా నటించిన యాక్షన్ సినిమా కోసం రానా ఓ పాట పాడాడు. అది కూడా ఓ ర్యాప్ సాంగ్ పాడాడు. సినిమా ప్రమోషన్ లో భాగంగా ఈ సాంగ్ ను వాడబోతున్నారు. ఈ విషయాన్ని హీరో విశాల్ స్వయంగా ప్రకటించాడు.

“రానాకు ఫోన్ చేశాను. రేయ్ నాకొక హెల్ప్ కావాలన్నాను. ఆడియో ఫంక్షన్ కు రావాలా అన్నాడు. కాదు నాకోసం ఓ పాట పాడాలని కోరాను. ఒరేయ్ నేను మాట్లాడ్డమే కష్టం, పాట పాడడం ఏంట్రా అన్నాడు. లేదు చేయాలన్నాను. కేవలం ఫ్రెండ్ షిప్ కోసం రానా ఆ పని చేశాడు. పాట చాలా బాగా పాడాడు.”

ప్రస్తుతం హైదరాబాద్ లోనే ఆ సాంగ్ ఎడిటింగ్ జరుగుతోందని, రేపోమాపో రిలీజ్ చేస్తామని ప్రకటించాడు విశాల్. ఇదే పాటను తమిళ్ లో ఆది పినిశెట్టి పాడాడు. ఈ సినిమాకు హిపాప్ తమిళ సంగీతం అందించాడు.

రీసెంట్ గా విశాల్ నటించిన సినిమాలు తెలుగులో క్లిక్ అయ్యాయి. అందుకే యాక్షన్ సినిమాను టాలీవుడ్ లో భారీ రేట్లకు అమ్ముతున్నారు. అందుకే ఇలా ప్రచారం కోసం రానాను కూడా రంగంలోకి దించారు.