Epaper
శివశంకరి పాటతో బాలకృష్ణ ఎన్ని విమర్శలు ఎదుర్కొన్నాడో అంతా చూశారు. పాటను ఖూనీ చేసి శ్రోతలకు ప్రత్యక్ష నరకం అంటే ఎలా ఉంటుందో చూపించాడు బాలయ్య. అయితే రామ్ గోపాల్ వర్మకు కూడా ఈ పాట స్వర్గాన్ని చూపించిందట. ఈ భూమ్మీద బాలయ్య లాంటి సింగర్ ను చూడలేదంటున్నాడాయన. వీటితో పాటు కొంతమంది రాజకీయ నాయకులపై ఆర్జీవీ తన అభిప్రాయాల్ని వెటకారంగా, కాస్త కామెడీగా, ఇంకాస్త సూటిగా వ్యక్తంచేశాడు.
– బాలయ్య పాడిన పాటపై మీ అభిప్రాయం ఏంటి?
ఫెంటాస్టిక్, మైండ్ బ్లోయింగ్. సింగింగ్ కనిబెట్టిన తర్వాత ప్రపంచ చరిత్రలో నేను చూసిన అత్యుత్తమమైన గాయకుడు బాలయ్య. (వెటకారంగా..)
– మీ అప్ కమింగ్ మూవీస్ లో బాలయ్యతో పాట పాడిస్తారా?
నా రాబోయే సినిమాల్లో ఆయనతో నేను పాట పాడించలేను. ఎందుకంటే గాయకుడిగా ఆయన స్థాయి వేరు. ఆయన పాట ముందు నా సినిమాలు చాలా చిన్నవి.
– సడెన్ గా చంద్రబాబు ప్రత్యక్షమైతే ఏం అడుగుతారు?
నిజంగా ఎన్టీఆర్ ను వెన్నుపోటు పొడిచారా లేదా నా చెవిలో చెప్పండి అని అడుగుతా
– ఉన్నఫలంగా లోకేష్ ప్రత్యక్షమైతే ఏం అడుగుతారు?
నీ గురించి మీ నాన్న మనసులో ఏమనుకుంటున్నాడో తెలుసా అని అడుగుతా
– పవన్ కల్యాణ్ ప్రత్యక్షమైతే…?
నేను పవన్ కు పెద్ద ఫ్యాన్. నా కంటే పెద్ద అభిమాని తెలుగు రాష్ట్రాల్లో పవన్ కు ఎవ్వరూ లేరని చెబుతా.
– పొలిటీషియన్లలో ఎవరి కామెడీ బాగుంటుంది?
నాకు లోకేష్ అంటే చాలా ఇష్టం
– కేసీఆర్ అంటే ఎందుకిష్టం
కేసీఆర్ మాటతీరు, ఆయన భాష, మేనరిజమ్స్ నాకు నచ్చుతాయి. ఆయన పరిపాలన గురించి నాకు తెలియదు.
– జగన్ పై ఎందుకు సినిమా తీయరు?
జగన్ జీవితంలో డ్రామా నాకు కనిపించలేదు. మరీ ముఖ్యంగా చంద్రబాబు జీవితంలో ఉన్నంత డ్రామా నేను జగన్ జీవితంలో చూడలేదు. భవిష్యత్తులో నాకు ఏదైనా పాయింట్ దొరికితే కచ్చితంగా సినిమా తీస్తాను.