ఐరెన్ లెగ్ లేదా గోల్డెన్ హ్యాండ్..?

ఎంట్రీ ఇచ్చిన మొదటి సినిమానే ఫ్లాప్ అయితే ఆ హీరోయిన్ పరిస్థితి దారుణంగా ఉంటుంది. మరో దర్శకుడు కన్నెత్తి చూడడు. ఇంకో అవకాశం రావడం గొప్ప విషయం. రుక్మిణి వసంత్ పరిస్థితి ఇప్పుడిదే.

ఒకానొక దశలో ప్రభాస్, అల్లు అర్జున్ లాంటి హీరోల సినిమాల్లో ఆమెను తీసుకోబోతున్నట్టు కథనాలొచ్చాయి. అప్పట్లో ఆమె క్రేజ్ అలా ఉండేది మరి. సప్తసాగరాలు దాటి.. అనే ఒకే ఒక్క సినిమాతో తిరుగులేని క్రేజ్ సంపాదించుకుంది రుక్మిణి.

ఆ పాపులారిటీతో తమిళనాట భారీ ఆఫర్ కొట్టేసింది. తెలుగులో మాత్రం ఆమె పెద్ద సినిమాల కోసం వెయిట్ చేయకుండా నిఖిల్ సినిమాకు ఓకే చెప్పింది. అదే ‘అప్పుడో ఇప్పుడో ఎప్పుడో’. తాజాగా థియేటర్లలోకి వచ్చిన ఈ సినిమా డిజాస్టర్ అయింది. రుక్మిణి టాలీవుడ్ కలలపై బకెట్ నీళ్లు కుమ్మరించింది.

చాలామంది హీరోయిన్లు మొదటి సినిమా ఫ్లాప్ తర్వాత ఐరెన్ లెగ్ ముద్ర వేయించుకొని మళ్లీ కోలుకోలేకపోచారు. 2-3 సినిమాలు చేసి సర్దుకున్నారు. మరి రుక్మిణి పరిస్థితేంటి? ఆమె ఐరెన్ లెగ్ గా మిగిలిపోతుందా లేక అదృష్ట దేవత అనిపించుకుంటుందా?

ఈమధ్య కాలంలో రుక్మిణి వసంత్ కు వచ్చినంత హైప్ మరే హీరోయిన్ కు రాలేదు. అదే హైప్ తో ఆమె దగ్గరకు చాలా కథలొచ్చాయి. కొంతమంది దర్శకులు ఆమె నుంచి గ్రీన్ సిగ్నల్ కోసం వెయిటింగ్. తెలుగులో ఆమె ఎలాంటి సినిమాతో మళ్లీ పలకరిస్తుందో చూడాలి.