ప్రభాస్, పవన్ కల్యాణ్ సినిమాల్లో సమంత?

ప్రభాస్ ప్రాజెక్ట్-కె సినిమాలో సమంతను ఎందుకు తీసుకోలేదు? కావాలనే నాగ్ అశ్విన్, సమంతను పక్కనపెట్టాడంట. ఇక పవన్ కల్యాణ్ కొత్త సినిమాలో సమంతను హీరోయిన్ గా తీసుకున్నారట. ఇలా సమంత చుట్టూ చాలా గాసిప్స్ తిరుగుతున్నాయి. వాటన్నింటికీ ఒకేసారి సమాధానం ఇచ్చింది ఈ అక్కినేని కోడలు.

“ప్రభాస్ సినిమాలో ఆఫర్ వస్తుందనుకున్నాను. నాగ్ అశ్విన్ నాకే ఆ ఛాన్స్ ఇస్తాడని అనుకున్నాను. కానీ అలా జరగలేదు. దానికితోడు ప్రభాస్ సినిమా నుంచి సమంతను తీసేశారు, నాగ్ అశ్విన్ ఈసారి సమంతకు ఛాన్స్ ఇవ్వలేదంటూ నెట్ లో వార్తలు కనిపిస్తున్నాయి. దీనిపై నాగ్ అశ్విన్ ను గట్టిగా అడగాలనుకుంటున్నాను. నన్నెందుకు సెలక్ట్ చేయలేదని అడుగుతాను. (నవ్వుతూ).”

ప్రస్తుతం తనకు కొత్త సినిమాలు అంగీకరించే మూడ్ లేదని స్పష్టం చేసింది సమంత. కొన్ని నెలల పాటు గ్యాప్ తీసుకుంటుందట. కనీసం కథలు కూడా వినదట.

“శాకుంతలం షూటింగ్ పూర్తయిపోయింది. ప్రస్తుతానికైతే కొన్ని నెలలు గ్యాప్ తీసుకోవాలనుకుంటున్నాను. కథలు కూడా వినను. గ్యాప్ తర్వాత కథలు వినడం స్టార్ట్ చేస్తాను. ఇప్పటివరకు ఎలాంటి కొత్త సినిమాకు నేను సైన్ చేయలేదు. పవన్ కల్యాణ్ కొత్త సినిమాలో కూడా నేను లేను.”

ఇలా తనపై వస్తున్న పుకార్లన్నింటికీ ఒకేసారి క్లారిటీ ఇచ్చింది సమంత. భవిష్యత్తులో కూడా నటనను కొనసాగిస్తాంటున్న సమంత, మహిళల్ని మరింతగా ప్రభావితం చేసే పాత్రల్లో నటించాలని ఉందంటూ తన మనసులో మాట బయటపెట్టింది.