Epaper
బాలీవుడ్ స్టార్ హీరో షారూక్ ఖాన్ తో త‌మిళ ద‌ర్శ‌కుడు అట్లీ ఒక సినిమా చేయ‌బోతున్నాడ‌నే ప్ర‌తిపాద‌న పాత‌దే. దాదాపు మూడేళ్ల నుంచి ఈ ప్ర‌చారం కొన‌సాగుతూ…. వచ్చింది. చివ‌ర‌కు ఆ సినిమా ప్ర‌క‌ట‌న వచ్చింది. జ‌వాన్ పేరుతో ఆ సినిమా రూపొందుతోంది. వ‌చ్చే ఏడాదికి ఈ సినిమాను విడుద‌ల చేయ‌నున్నారు.
విశేషం ఏమిటంటే.. ఈ సినిమా ప్ర‌తిపాద‌న ఆదిలో ఇందులో హీరోయిన్ గా స‌మంత‌ను ఎంపిక చేసుకున్నాడ‌ట ద‌ర్శ‌కుడు అట్లీ. ఈ సినిమా ద్వారా స‌మంత‌ను గ్రాండ్ గా హిందీలో ఇంట్ర‌డ్యూస్ చేయ‌డానికి అత‌డు ప్ర‌య‌త్నించాడ‌నే టాక్ ఉంది. అయితే అప్ప‌ట్లో ఈ సినిమాకు నో చెప్పింద‌ట స‌మంత. ఈ సినిమా ప్ర‌థ‌మ ప్ర‌తిపాద‌న 2019 నాటిది. అప్ప‌టికి నాగ‌చైత‌న్య‌తో స‌మంత వివాహ‌బంధంలో ఉంది.
తాము ఫ్యామిలీ ప్లానింగ్ లో ఉన్న‌ట్టుగా, దీంతో ఈ భారీ సినిమాకు ఓకే చెప్ప‌లేనంద‌ట స‌మంత! షారూక్ తో అవ‌కాశం అయిన‌ప్ప‌టికీ, బాలీవుడ్ కు గ్రాండ్ లాంఛింగ్ అయిన‌ప్ప‌టికీ.. ఫ‌స్ట్ చైల్డ్ కోసం ఈ సినిమాకు స‌మంత నో చెప్పింద‌ట. దీంతో అట్లీ కూడా మ‌రేం మాట్లాడ‌లేక‌పోయిన‌ట్టుగా అయ్యింద‌ట.
రీజ‌నేంటో కానీ.. అట్లీ బాలీవుడ్ ప్రాజెక్టు చాలా డిలే అయ్యింది. స‌మంత వైవాహిక జీవితం కూడా వేరు బాట‌న ప‌ట్టింది. మ‌రి అంతిమంగా జ‌వాన్ లో హీరోయిన్లు ఎవ‌ర‌వుతారో!